БІРІККЕН АРАБ ӘМІРЛІГІ - Азиядағы Арабия түбегінің шығыс жағындағы мемлекет; Парсы шығанағының оңтүстік жағалауын алып жатыр. Жері 86,3 мың км². Халқы 9,4 млн. (2017). Астанасы - Абу-Даби қаласы. Әкімшілік жағынан 7 әмірлікке (Абу-Даби, Дибай, Шарджа, Фуджайра, Умм әл-Кайвайн, Аджман, Рас әл-Хайма) бөлінеді. Елдің заң шығарушы өкімет орны - Жоғарғы федералдық совет, атқарушы өкіметі - Министрлер кабинеті. Үкімет басшысы - президент (шейх Саид бен Сұлтан ан-Нахайни). БАӘ бұрын Ұлыбританияның протеқтораты (Договорлық Оман) болды, 1971 жылғы 2 желтоқсанда тәуелсіз мемлекет болып жарияланды. Жері шөлді, ойпатты жазық болып келеді. Климаты құрғақ тропиктік. Өсімдік және жануарлар дүниесі өте кедей. Халқының (арабтар, мұсылмандар) 95%-ке жуығы сауатсыз (50-ге тарта мектеп жұмыс істейді). БАӘ - экономикалық дамуы жағынан мешеу қалған ел. Әкономикасының басты саласы - мұнай өндіру. Мұнай кәсіпшіліктерінің көбі Абу-Даби (1970 жылы мұнда 32,8 млн. тонна мұнай өндірілді) және Дибай (4,2 млн. тонна, 1970) өмірліктерінің жерінде. Мұнай өнеркәсібі американ, ағылшын, жапон т.б. шетел капиталдарының қарамағында. Елдің шұрайлы жерлерінде құрма пальмасы және дәнді дақылдар егіледі. Шөлді, шөлейтті жағының тұрғындары көшпелі мал шаруашылығымен (түйе, жылқы) айналысады. Теңізден балың аулау, меруерт жинау дамыған. Темір жолы жоқ. Тас жолдар салынған. Негізгі көлік ретінде түйе пайдаланылады. Сыртқы сауда серіктесі - Ұлыбритания.