МАМЛЮКТЕР - КІМ ОЛАР?

Категориясы: Тарих

МАМЛЮКТЕР (араб.- ақ құлдар, еріксіздер) - түрік, грузин, черкес, Египеттегі басқа да кавказ халықтарынан шыққан әскери-құлдар, олардан Айюб әулетінің (1171-1250) гвардиясы құрылған 1250 жылы Мамлюктердің комаңдалық тобы Айюб әулетін құлатып, өкіметті өз қолына алды. Мамлюктердің Бахри (негізінен түрік тектестер – 1250-1390 жылы билік етті) мен Бурджи (негізінен кавказдан шыққандар – 1390-1517 жылы билік еткен) дейтін 2 әулеті белгілі. Мамлюктер (шамамен 9 мыңнан 12 мың адамға дейін жеткен) шұрайлы жерге бай, қарамағында қолөнер кәсіп орындары бар 24 бидің, ірі феодалдық билігінде болды. Мамлюктер тұсында 13-14 ғасырда ел басқару жүйесі өзгеріп, жер суландыру жүйесі жақсарды, мәдениеті дами түсті. 13 ғасырда Мамлюктер әскерлері монголдарды талқандап, крест тағушыларды Палестина мен Сириядан ығыстырды. 1516-1517 жылдар Түрік сүлтаны Селим 7-нің әскерлері Сирия, Египет және Палестинаны басып алып, Мамлюктер билігін жойды. Дегенмен 17 ғасырдың ақырында Осман империясының әлсіреуі Мамлюктердің өз билігін қайта орнатуға мүмкіндік берді. Тек Египет патшасы Мухаммед Әлидің тұсында ғана Мамлюктер жері тартып алынды, 1811 жылы Мамлюктер билерін қырып тастады.

  Жарияланған-2019-08-28 17:27:41     Қаралды-4588