ШОЛАҚ БҰЛАҚ ҮҢГІРІ

Категориясы: Табиғат

Қазақстандағы осы уақытқа дейін белгілі болған үңгірлердің ішіндегі ең үлкенінің бірі - Қарағанды облысының Егіндібұлақ ауданындағы «Шолақ бұлақ»  үңгірі. Ол «Арқалық» ауылындағы Едірей тауының ішінде. Үңгір аузы Едірейдің жатаған жартасты төбесінің алқымынан басталады. Жалғыз адам жүрелеп 1 кірердей үңгір ауызы 10-15 метрдей төмен құлдилап барады да, әрі карай кең сарай алаң болып кетеді. Бұл үңгірдің ұзындығы 400-500 метрдей. Табиғаттың осынау ғажайып жаратылысы, сөз жоқ, өз қойнына небір қызықты құпия-сырды бүгіп жатқаны анық. Жергілікті тұрғындардың айтуынша «ІІІолақ бұлақ» үңгірінің ішінде ақ сөңке сүйектер, кісі бойындай ақ жіліктер болған. Бұл жерде жыл сайын Едірей бөлімшесінің кой қырқымы өтеді. Ауыл балалары үңгірге кіріп ойнай бергең соң, үлкендер үңгірдің аузын тас пен құм араластырып бекітіп тастапты. Шынында да «Шолақ бұлақ» үңгірінің тас қараңғы тұңғиық көмейіне кіру балашағаның ойыншығы емес. 

  Жарияланған-2016-04-20 18:23:47     Қаралды-3633