ШЕТЕННЕН ӘР ТҮРЛІ ТАҒАМДАР ЖАСАУ
Категориясы: Тағам
Раушан гүлділердің алма тұқымдас тармағына жататын өсімдік. Жемісі адам организмі үшін өте пайдалы. Оны «витаминдер шығатын бұлақ» десек қателеспейміз. Шетен жемісінде А және Сі витамині, каротин, адам организміне жеңіл сіңетін қанттар (глюкоза, фруктоза), алма, лимон және янтарь қышқылдары, илік заттар болады.
Шетен жемісінде витаминдер ұзақ сақталады. Бізді қоршап тұрған табиғатта жабайы өсетін шетен өсімдігін жеңіл табуға болады. Олай болса, күзде шетен жемісін жинап алып, сақтап қойып, қыста және көктемде қолдануға болады. Сонымен қатар шетеннің қабығында 14% бағалы илік заты болады. Гүлінде нәр, тозаң көп, сондықтан бал арасын өсіру шаруашылығында өте қоректі өсімдік. Тұқымында 22% май болады.
Шетен жемісінің шырынын алу. Шетен жемісінен шырын көп шығады, салмағының 75-78 проценті шырын. Шырын алу үшін жемістерді тазалап алып суық сумен жуып, тор үстіне төгіп, суы сорғып болған соң, ағаш немесе эмальды ыдысқа салып, ағаш қасықпен езеді, немесе еттартқышпен тартады, сонан кейін оны таза мықты матадан тіккен дорбаға салып, преспен бастырады. Дорбада қалған бөлігін ыдысқа салып алып, аздап су құйып араластырады да (1 кг жеміске 1 стакан су қосылады), бір сағат бойы қозғамай қояды. Сонан кейін оны тағы дорбаға салып, преспен бастырады.
Бірінші және екінші рет алынған шырынды араластырады. Алынған шырынды бірнеше рет мата арқылы сүзіп, шөлмектерге құйып, аздап қант салып, (1 кг шырынға 400 г қант керек), аузын тығындап, сыртын шпагатпен байлап стерилизациялайды (0,5 л шөлмекті 8-9 минут, литрлікті 10-12 минут қайнатады). Стерилизациялап болғаннан кейін шпагатты алып тастап, аузын тығындап, оның үстіне смола немесе балауыз ертіп кұяды.
Шетен жемісін кептіру. Жемісті тазалап, қоспаларын алып тастайды. С витамині, каротин жемісінің бойында сақталуы үшін, оны 3-5 минут қайнап тұрған суға салып алады. Сонан соң суын ағызып, сорықтырып алып, 55-60° температуралы пеште кептіреді. Қепкен жемістерді дорбаға немесе жәшікке салып сақтайды. Одан кисель, компот, үн жасауға болады. Шетен ұнынан құймақ сияқты, т. б. тағамдар әзірленеді.
Жарияланған-2016-04-07 17:22:12 Қаралды-5442
ЖАҢҒАҚ ҚОСЫЛЫП, БАЛ ЖАҒЫЛҒАН КӨКНӘР
Бұл - қант-бал шырынында қайнатылып, грек жаңғағы немесе фундук қосылған көкнәр дәнінен жасалады. Қиғаш төрт бұрышты формаға келтіріледі.
ЖЫЛНАМАЛАР ЖИНАҒЫ
«Жылнамалар жинагы» - бұл екі томнан тұратын кітап. Кітапты Иран хандарының сарайында жоғары қызмет істеген Фазлаллах Рашид әд-Дин жазған. Ол Жылнамалар жинағын» 1300-1301 жылдары бастап, 1310-1311 жылдары аяқтаған. Шамамен 10 жыл бойы еңбектенген.
ҚЫМЫЗ АШЫТУ ЖАЙЛЫ ӘҢГІМЕ
Қымыз дайындау үшін ең алдымен сауын биелерін іріктей білу керек. Сауылатын бие сақа бие, қулық бие, қысырақ бие деп үшке бөлінеді.
БАЛ АРАЛАСТЫРЫЛҒАН СҰЛЫ ҮЛПЕГІНЕН ЖАСАЛҒАН ҚУЫРМА (печенье)
Ұнға сода араластырылып, елекпен еленеді. Май қантқа қосылып, әбден ағарғанша шайқалады.
БЕЙБІТШІЛІК ҚҰСЫ
Адам үшін пайдалы, өте момын кұстардың бірі - кептер. Көптеген адамдар бос уақытында кептер өсірумен шұғылданады. Кептер барлық елде тіршіліктің, бейбітшіліктің, сүйіспеншіліктің белгісіне айналған. Кептер - адамның өте ертеден қолға үйреткен құсының бір
Табиғи «Ванилинмен» бірдей хош иістендіргіш
Жиі қолданылатын хош исітендіргіштердің бірі – ванилин. Біз оны дәйім барлық жерде қосамыз. Пісіретіндерге, кілегейлерге, тәттілерге, дәйім барлық жеміс-жидек иістерге – барлық жерде ванилин бар