ШИЕ ӘР ТҮРЛІ ТАҒАМДАР ЖАСАУ
Категориясы: Тағам
Шие - раушан гүлділердің алхоры тұқымдас тармағына жататын ағаш өсімдігі. Шие жемісінің құрамында В1, С витаминдері бар. 10-15% қант, органикалық қышқылдар болады. Шиенің қабығында 5-7% танинин заты бар, діңінен шие желімі ағады. Тұқымында май көп. Сондықтан шие бағалы жемісті өсімдік болып саналады. Көбінесе жемісін кептіріп, консерві жасап, тосап, компот, кисель, желе, сироп, шарап түрінде сақтауға болады.
Шиеден компот жасау. Піскен шие жемістерін таңдап алып, жеміс сағағын алып тастап, жуып, бұрын әзірлеп қойған банкаларға салып, қайнап тұрған қантты сиропты үстіне құяды (сироп жасау үшін 1 литр суға 500 г қант салып қайнатады). Банкалардың үстін қақпақпен бастырып, ыссылығы 50° суы бар кастрюль ішіне орналастырып (0,5 литрлік банкаларды 8 мин, литрлік банкаларды 10 мин, 3 литрлік банканы 30 мин қайнатып) стерилизациялайды. Сонан кейін банка аузын мықтап, ашылмайтын етіп жауып суытады.
Тұтас шиенің өзін сақтау әдісі. Пісу дәрежесіне қарай шиені сорттап алады. Жеміс сабағынан және ұрылып, зақымдалғанынан тазартады. Толық піспегенін алып тастайды. Тазартылып алынған шие жемістерін суық сумен бірнеше рет жуып, бұрын әзірлеп қойған баңкаларға салады. Банканы шайқап, шиені тығыздап орналастыру керек. Сонан кейін шие үстіне қайнап тұрған су құяды. Банкалардың аузына қақпақ жауып, ішінде 50° ыссы суы бар кастрюльге қойып стерилизациялайды. Егер банка 0,5 л болса - 8 мин, литрлікті - 10 мин, 3 литрлікті 30 мин қайнатады. Стерилизациялап болғаннан кейін банкалардың аузын ауа кірмейтіндей етіп жауып, суытады. Бұл әдіспен әзірленген шиені тосап, компот, кисель және варениктер жасауға пайдалануға болады.
Сүйексіз шие жемісі қалай сақталады. Жақсы піскен шие жемістерін таңдап адып, суық сумен жуып, жеміс сағағынан, сүйекшесінен айырады. Банкаларға толтырып, тығыздап салып, қайнап тұрған су құйып, аузын қақпақпен бастырып, ішінде 40° ыссы суы бар кастрюльге стерилизациялайды. Егер банкалар 0,5 литр болса 15 мин, литрлік болса 20 мин қайнатады. Стерилизациялап болғаннан кейін банкалардың аузын жақсылап жауып суытады. Осы жолмен сақталған шие жемісін вареник, джем, тұздық, пюре, компот, тосап жасауға, самсаны толтыруға қолданылады.
Жарияланған-2016-04-11 16:45:26 Қаралды-7263
КИНЗА НОГУЛЫ
Бұл - кинза дәнінен жасалатын домалақ, томпақ формалы ақ түйіршіктер. Мөлшері шпан ядросындай. Қант шырыны мен ұнға шыланды.
Ірімшіктен жасалған ай
Мүмкін, Ай тек балалардың елестетуінде ғана үлкен, домалақ ірімшіктің түйірі сияқты пайда болуы мүмкін.
ӘСЕМДЕЛГЕН ЖАҢҒАҚ ҚУЫРМАСЫ (печенье)
Кептірілген нан түйіліп, ұнтақталған жаңғақпен және қантпен араластырылады. Үстіне ерітілген сарымай, жұмыртқаның мұқият шайқалған сары уызы, жарты лимон шырыны мен қабығы салынады.
ЖҮГЕРІ ҮЛПЕГІНЕН ЖАСАЛҒАН КҮЛШЕ (коржик)
Қант, жұмыртқа, қаймақ араластырылып, оған жуылған мейіз, жүгері үлпегі және сода қосылады да, 1 минут бойы тағы араластырылып, қамыр иленеді.
ИТЕЛГІ
Ителгі - дүние жүзінде кең тараған құс. Қазақстанда сілемді таулар мен ормансыз ашық далалардан басқа жердің бәрінде кездеседі. Әсіресе, Маңғыстау мен Үстіртте, Сарыарқаның жатаған таулы өңірлерінде мол ұшырасады. Ителгіні баптау, жалпы, қыран құсты қолға
МЕЙІЗ ҚОСЫЛҒАН МЕРЕКЕЛІК ӨРМЕ
Қамыр сүтке қатты етіліп иленеді де, оған май, қант, мейіз, езілген ашытқы, жұмыртқаның сары уызы қосылып, бәрі жақсылап араластырылады. Сөйтіп 90 минут бойы жылы жерге қойылады.