UF

АЛМҰРТТАН ӘР ТҮРЛІ ТАҒАМДАР ЖАСАУ

Категориясы: Тағам


Алмұрттың жемісінде қант, пектин, илік, бояу заттар, алма және лимон қышқылдары, В1, С витаминдері бар. Бұл заттар адам тіршілігіне және организмдегі зат алмасу процесін жақсартуға өте қажетті.

Алмұрт жемісін қайнатқан суды асқазан ауруын смдеуге, буйрегі ауырған адамға зәр жүргізу үшін ішкізуге болады. Сонымен қатар ол дене қызуы көтерілгенде де шипалы. 100 г мөлшерінде 2-3 рет ішкеннен кейін одан терлеп, температурасы төмендейді. Алмұрт жемісін шикі, жас күйінше кептірілген, консервіленген күйінде пайдалануға болады. Алмұрт жемісінен компот, джем, пастила, квас, пюре, компот, шай, кофе, жеміс, сірке сусын жасауға болады.

Алмұрттан компот жасау. Компотқа толық піспеген жемістерді таңдап алып, оларды жуып, кесіп, тазалап, 85° ыссы суда 5-10 минут ұстап, әзірлеп қойған банкаларға салады да, үстіне қайнап тұрған сиропты кұяды (сиропты жасау үшін 1 литр суға 350 г қант салып қайнатады). Қақпағын жауып, кастрюльдегі ыссы суға қойып (0,5 л банканы 15 мин, литрлік банканы 40 минут) қайнату керек. Стерилизациялап болғаннан кейін банкалардың аузын бекітіп, суытады.

Алмұртты консервілеу. Қонсервілеу үшін піспеген қатты жемістер алынады. Олардың көлеміне, пісуіне қарай бөліп алады да, суық суға жуып, ортасындағы тұқымы мен оны қоршаған қатты бөлігін, сағағын, зақымданған жерін алып тастап, бірнеше бөлікке бөледі. Пішінін өзгертпей, өте жұқа етіп қабығын алып тастайды, тазалап алған жұмсағын суық суға салып, оның үстіне лимон қышқылының ерітіндісін құяды да (1 г қышқылды 1 литр суға құяды), 85° температурада 10 минут ұстайды. Сонан кейін суық сумен суытып, әзірлеп қойған банкаларға салып, үстіне қайнап тұрған су құйып, лимон қышқылын қосады (1 литрлік банкаға 1 грамм лимон қышқылы). Қақпағын жауып, литрлік банканы 20 минут, 3 литрлікті 35 минут қойып, қайнатады. Стерилизациялап болғаннан кейін банкалардың аузын жауып суытады.

Алмұрттан маринад жасау. Толық пісіп жетілмеген жемістерді жуып тазалағаннан кейін, бірнеше бөлікке бөліп, ортасындағы тұқымын алып тастайды. Сонымен қатар ұрылған жерін кесіп, қабығынан тазалайды да суық суы бар ыдысқа салады. Тазаланған жемістерді 85° температурадағы лимон қышқылының ерітіндісіне 3-4 минут ұстайды. Сонан кейін суық суға салып суытады. Литрлік банкалардың түбіне 0,5 грамм корица, 4 түйір қалампыр, 4 түйір бұрыш, оның үстіне 670 грамм қант, 5%-тік сірке суынан 120-150 г қосады. Толған банкаларды қақпақпен бастырып, ішінде 50° ыссы суы бар кастрюльге қойып (литрлік банканы 15 ми, 3 литрлікті 25 мин) қайнатып стерилизациялайды.

Стерилизациялағаннан кейін қақпағы жабылып, мықтап бекітіледі де, сол су ішінде суытылады.

Алмұртты кептіру. Алмұртты кесіп немесе тұтас күйінде кептіреді. Ол үшін ең әуелі жемісті сортқа бөліп алып, қайнап жатқан суға 12 минут салып қояды. Сонан кейін суық сумен жақсылап жуып, табаққа салып, 6-8 тәулік бойы күн түсетін жерде кептіреді. Бүтін алмұртты пеште немесе духовкада 20 сағат бойы 80-85° температурада мезгіл-мезгіл аудара отырып кептіреді. Жақсы кепкен алмұрттан шырын шықпайды. Одан компот жасау үшін, үстіне қайнаған су құйып, бір күнге жауып қояды. Сонан соң оны сүзіп алып, пайдалана беруге болады.

  Жарияланған-2016-04-07 16:35:06     Қаралды-4299

Мәлімет сізге көмек берді ма

БАДАМ - ЖҮРЕККЕ ЖАҚСЫ

...

Бадам – онша биік емес, жоғарғы жағы жайыла өскен ағаш. Жапырақтары сопақша, шеттері ара тісті.

ТОЛЫҒЫРАҚ »

ЕТ МҮШЕЛЕРІНІҢ НЕГІЗГІ ҚАЗАҚША АТАУЛАРЫ

...

Мал етін мүшелеуді біреу біліп, біреу біле бермейді. Сол жөнінде әңгіме болғанда этнограф С. Қасиманов былай деген еді:

ТОЛЫҒЫРАҚ »

Жыландар өз денелерін жей алады

...

Жыландар күйзеліске ұшырай алады және сондай жағдайда олар тамақтануы тиіс. Бірақ, олар үнемі олжаларын жей бермейді. Жыландар салқын қанды, бұл деген олардың дене температурасын реттей алатын жағдайда еместігін білдіреді. Олардың жылынуы үшін сыртқы ж

ТОЛЫҒЫРАҚ »

КӨРКЕМ СУРЕТТЕ ҚАРЫНДАШ

...

Тас дәуірінің адамы үңгірдің ортасында жанып жатқан оттың шет жағында сөнген шала көмірді ала сап, тас қабырғаны алғаш рет сызып көрген күнді қарындаштың жарыққа келген күні деп есептеуге әбден болады.

ТОЛЫҒЫРАҚ »

БАДАНА - ҚАНТ ДИАБЕТІН ЕМДЕЙДІ

...

Бұл – биіктігі 60 сантиметрге дейін жететін, көпшілікке белгілі бір жылдық, шөп тектес өсімдік.

ТОЛЫҒЫРАҚ »

«ҚОРҚЫТ АТА КІТАБЫ»

...

«Қорқыт ата кітабы» (ежелгі түркі тілінде - «Китаб-и дәдем Коркут ғали лисан таифа оғузан») - оғыз-қыпшақ дәуірінің жазба мұрасы. Кітаптың ғылымда он екі нұсқасы белгілі. Дрезденде 12 нұсқа толығымен және Ватиканда осы 12 нұсқаның алтауы сақталған.

ТОЛЫҒЫРАҚ »