МИЯМПҰР
Категориясы: Тағам
Інжірден жасалып, арасына грек жаңғағы салынған тағамды шығыста осылай атайды.
Ішіне салатын грек жаңғағының ортасынан қақ жарылып, бөлінгені ғана емес, одан да кішкентай бөліктерінің пайдаланылуы мүмкін.
Інжірді дайындау үшін ол салқын сумен жуылып, табақшаға жабысып қалмас үшін алдымен қағаз төселіп сэлынады. Інжір салынған қаңылтыр табақшалар пешке қойылады. Ол 140-150 градуста 8-10 минут бойы кептіріледі. Жемісті беті құрғағанша, ал өзі жеміс ішінде болатын ылғал буының әсерінен бөккенше кептіреді. Бөккен жемістің көлемі, бірсыпыра үлкейіп, түрі домалана түседі.
Пештен алынған інжір қаңылтырдан түсіріліп, 30-40 минут бойы салқындатылады. Содан соң оны одан әрі бөле беруге болады.
Інжірмен бір мезгілде грек жаңғағы да дайындалады. Оның қабығы аршылып, ішінде бүлінгендері кетіп қалмас үшін жақсылап іріктеледі.
Кептіріліп салқындатылган інжірдің әр жемісі пышақпен бір жерінен тілінеді. Тілгенде одан тек грек жаңғағының жартысы ғана өтетіндей етіледі. Жемістің ішіне грек жаңғағы барынша толтырылып салынады. Бірақ бұл кезде оның сырты бүлінбей, бүтін күйін сақтауы керек. Соған орай жемістің тілінген жерін білдірмей бітеп қоюға тырысу керек. Осылайша бөлу жұмысы аяқталады да тағам дайын деп есептелінеді.
Дайын тағам қағаз төселген ағаш жәшіктерге салынады. Жәшіктің мөлшеріне қарай жемістің таза салмағы 3-5 килограмм болады.
Миямпұр қаңылтыр ыдысқа, тек ерекше жағдайда, онда да құрғақ бөлмеде сақталатын болса ғана салынады.
Бір килограмм миямпұр жасау үшін 540,7 грамм інжір, 470,4 грамм грек жаңғағы жұмсалады.
Миямпұр домалақ немесе сопақ болады. Ылғалдылығы – 15-17 процент. Дайын тағамның 55-60 проценті інжір, 40-45 проценті грек жаңғағы болу керек. Бір килограмында 32-36 данасы болады.
Дайын тағам сақталатын бөлменің температурасы 14 градустан 18 градусқа дейін ғана ауытқуы мүмкін. Ауасының салыстырмалы ылғалдылығы 60-75 процент аралығында болуы керек.
Осы шарттар сақталғанда дайын миямпұрды 15-20 күн сақтауға болады.
Миямпұрды дымқыл орында сақтаса, көгеріп кетеді, тым ұзақ сақтаса, жаңғақтағы май ашып кетеді.
Жарияланған-2016-03-10 13:50:30 Қаралды-1904
ТҮС КӨРУ ТУРАЛЫ 10 ҚЫЗЫҚТЫ ФАКТ
Адам өмірінің үштен бір бөлігін ұйқымен өткізеді, денесі бірнеше күн ғана тыныштықсыз өмір сүре алады.
АЛМА ҚОСЫЛҒАН КҮРІШ
Күріш күрмегінен тазартылады, жуылады. Әуелі суға салынып шала, содан соң сүт құйылып әбден пісіріледі, үстіне май салынады.
ӘСЕМДЕЛГЕН ЖАҢҒАҚ ҚАТТАМАСЫ
Сарымай қант ұлпасымен қосылып, жақсылап шайқалады, содан соң жұмыртқаның сары уызы, ұнтақталған жаңғақ, түйілген кепкен нан, какао, оның үстіне жұмыртқаның әбден шайқалып көпіршіген ақ уызы қосылады.
Бізге қанша уақыт ұйқы керек?
Біз ұйқы қашан біздің миымыз және денеміз демалған кезде болдаы деп ойлаймыз. Бұл олай емес; ұйқы бұл көптеген маңызды процестердің, қалыпқа келулердің және күш жұмсаулардың өтетін белсенді уақыттары. Ұйқы – денсаулыққа өте маңызды. Бірақ, шектен тыс көп
КҮНЖІТ КӘЗИНЕГІ
Арасында күнжіт дәні көп болатын, карамель сияңты төрт бұрышты немесе қиғаш төрт бұрышты қатты, шыныдай жылтыр тағам. Дайындалуы бадам кәзинегіндей.
ДӘСТҮРЛІ ТӘТТІ ТАҒАМДАР
Табаға 3-4 сантиметр қалыңдықта ұн салынады да, духовкаға немесе газ плитасына қойылып, шала қуырылады.