ҚАБАТТАЛҒАН ҚАМЫРҒА ОРАЛҒАН АЛМА
Категориясы: Тағам
Қабатталатын қамыр былай дайындалады: суға тұз және лимон қышқылы салынып, ерітіледі, жұмыртқа және ұнның оннан тоғыз бөлігін қосып қамыр иленеді. Ол 30 минут салқын жерге қойылады. Май езіліп, қалған ұнмен араластырылады да оның іртіктеніп қалмауы қадағаланады. Май араластырылған ұн төрт бұрышты етіп жайылады.
Қамыр стол үстіне жайылып, төрт бұрышты формаға келтіріледі. Үстіне ұнға араластырылып төрт бұрышты етілген май қойылып, конверт сияқты бүктеледі де қайтадан жайылады. Қамырдың қабаты 1 сантиметрге жеткенде ол төрт бүктеліп қайтадан жайылады да, тағы да сол 1 сантиметр қалыңдыққа жеткенде төрт бүктеп, әрі қарай жаю керек. Осылайша 4-6 рет қайталанады. Қамырды кезекті жаю алдында 15-20 минут салқында ұстап алған жөн.
Қабатталған қамырды дайындау белгілі бір дағдыны керек ететіндіктен, әрі еңбек те көп жұмсалатын болғандықтан бұл үшін қабатталған жартылай фабрикат пайдалануға да болады.
Дайын қамырдың қалыңдығы 0,5 сантиметрге жеткізіліп жайылады да тұтас алманы орауға жететіндей мөлшерде төрт бұрыштап кесіледі. Ішіне қабығы аршылған және дәні мен өзегі алынған алма, ал алманың дәні алынған орындарына құм шекер салынып, алма жайылған қамырдың ішінде «түйіншек» болып қалатындай етіп, шеттері жабыстырылады. Қамырға оралған алманың сыртына жұмыртқа жағылады. Сөйтіп бір-біріне тиіп тұрмайтындай етіп, жұқа табаға салынады да, пеш температурасы 220-250 градусқа жеткізіліп пісіріледі.
Қамыр жақсы жетілуі үшін оған эфир майы (лимон, қалампыр, запыран, зире, т. б.) қосылады.
Дастарқанға қойылар алдында оралған алманың үстіне қант ұлпасы себіледі.
Бұған 270 грамм ұн, 180 грамм сарымай, 2 грамм тұз, 0,3 грамм лимон қышқылы, 600 грамм алма, 100 грамм құм шекер, 40 грамм жұмыртқа және 50 грамм қант ұлпасы жұмсалады.
Жарияланған-2016-03-05 15:48:37 Қаралды-2931
Хан отбасы мүшелерінің ұшуының өз ережелері бар
Сол уақыттарда қарапайым адамдар сияқты жалпыға бірдей ұшу ережелерін сақтау тиіс еді, оған қоса хан отбасының өз ережелері бар.
ЭЛЕКТР ҚУАТЫН КІМ АШТЫ?
Бенджамин Франклин есімді адам бірінші болып электр тоғының не екенін толық түсіндіруге тырысты.
ОРМАН – БІЗДІҢ БАЙЛЫҒЫМЫЗ!
«Ағаш ексек біз, не еккеніміз?» деген жолдармен басталатын өлеңі бар. Бұл сұрауға әрбір маман әрқалай жауап берер еді.
ҰСТАЛЫҚ ӨНЕР
Ұста - әр түрлі металдан, темірден тұрмыста тұтынатын түрлі бұйымдар мен шаруашылыққа қажет құрал-саймандар, қару-жарақтар, т.б. жасайтын адам. Кейде ұстаны «темірші», «темір ұстасы» деп те атайды. Ертеректе ұсталарды қара ұста, ақ ұста деп екі топқа бөлг
ІЛЕ ҚҰРТҚАШАШЫ – ҚАҚЫРЫҚ ТҮСІРЕДІ
Іле құртқашашы – биіктігі 40 сантиметрге дейін жететін, көп жылдық, шөп тектес өсімдік. Тамыры жуан, ақ түсті, көптеген қосымша тамырлары бар.