UF

ТҮРЛІ ТҮСТІ КИНО АЛҒАШҚЫ КЕЗЕНДЕРІ

Категориясы: Тарих


ТҮРЛІ ТҮСТІ КИНО - турлі түсті кинофильмдерді түсіру, көрсету және олардың көшірмесін алу. Ол кинематографиямен қатар дамып келеді. Түрлі түсті кино тәсілдері турлі тусті фотографияның принциптеріне негізделген. Түрлі түсті кино проекциясын жасау тәсілін тапқаны үшін тұңғыш патент 1887 ж. неміс өнертапқышы Г. Изензеге берілді. Алғашқы түрлі түсті кино  түсірілген объектінің кинопозитиві қолдан немесе пантограф көмегімен бояу арқылы жасалған. 20 ғасырдың 20 жылдарында субтрактивті тәсілдердің пайда болуына байланысты екі түске (әдетте қызғылт сары және көк түс) негізделген түрлі түсті кино шығарыла бастады. Сондай-ақ «бипак» деп аталатын тәсіл де пайдаланылды. Бұл тәсілде фильм эмульсия қабаты беттестірілген екі пленкада қатар түсіріледі. Бипак тәсіліне негізделген екі түсті фильмдер шетелдерде, сондай-ақ СССР-де де («Груня Корнакова, 1936; «Сорочинск жәрмеңкесі», 1938) шығарылды.

Түрлі түсті киноның сапасы үш түске негізделген фильмдерді түсіру тәсілдерін игеруден бастап жақсара бастады. Үш түске негізделген алғашқы түрлі түсті фильм «Техниколор» (АҚШ) фирмасында түсірілді («Меңіреу симфониялар», 1933), яғни түрлі түсті фильмдер бір мезгілде 3 ақ-қара негатив пленкада кескінделіп, соңынан түрлі түсті позитив баспаның гидротивтік әдісі арқылы көшіріліп алынды. Жоғары сапалы түрлі түсті фильм дәл кино тусіргі аппараттар мен жоғары сапалы кинопленкаларды пайдалану нәтижесінде жасалады. 20 ғасырдың 30 жылдарынан бастап түрлі түсті кино көп қабатты түрлі түсті кинопленканы пайдалану арқылы түсірілуде. Бұл тәсілде негатив пен позитивтегі түрлі түсті кескін бірнеше қабатты түрлі түсті пленканы арнаулы ерітіндіде өңдеу нәтижесінде алынады. Көп қабатты түрлі түсті кинопленканы пайдалану түрлі түсті кино сапасының жоғары болуын, фильмді түсіруге және көрсетуге стандартты аппаратураларды қолдануды, аралық түрлі түсті негатив алу, фильм көшірмесін көптеп шығару мүмкіндігін қамтамасыз етті.

Түрлі түсті кино өнімдерін көптеп пайдалану кино өнерінің көркемдік әрі творчестволық мүмкіндігін арттырды.

Әдеб.: Құдайқұлов М., Әуесқойлар киносы, А., 1974; Цветная кинематография, под ред. Е. М. Голдовского. М., 1955; Голдовский Е. М., От немого кино к панорамному, М., 1961.

  Жарияланған-2019-08-29 16:34:11     Қаралды-2494

Мәлімет сізге көмек берді ма

ҚҰЛАҚТЫ БАТ-БАТ

...

Құлақты бат-бат - негізінен, құмды мекендейтін жануар. Інін қатты жерден 1 метрге дейінгі тереңдікте қазады. Қауіп төнсе, құмға кіреді де, басын шығарып, ештеңе байқалмаса, суырылып кете береді. Кейде аяқтарын тарбитып, денесін ширықтырып, аузын кең ашып,

ТОЛЫҒЫРАҚ »

АБАЙДЫҢ ҚАРА СӨЗДЕРІ

...

«Абайдың қара сөздері» - қазақтың ұлы ақыны Абайдың өмірінің соңғы жылдары жазылған пәлсапалық шығармасы. Барлығы 45 сөзден (тараудан) тұрады. Бұған «Бірер сөз қазақтың түбі қайдан шыққандығы туралы» деген тарихи мақаласы да қосылады.

ТОЛЫҒЫРАҚ »

ӘСЕМДЕЛГЕН ЖАҢҒАҚ ҚАТТАМАСЫ

...

Сарымай қант ұлпасымен қосылып, жақсылап шайқалады, содан соң жұмыртқаның сары уызы, ұнтақталған жаңғақ, түйілген кепкен нан, какао, оның үстіне жұмыртқаның әбден шайқалып көпіршіген ақ уызы қосылады.

ТОЛЫҒЫРАҚ »

АРАЛДАР ҚАЛАЙ ПАЙДА БОЛҒАН?

...

Егер судың мөлдірлігі тап ауа сияқты болса, онда кемемен жүзіп келе жатып тереңдегі небір тау жоталары мен шатқал шыңдарды, тіп-тік құлама жартастарды көруге болар еді.

ТОЛЫҒЫРАҚ »

ПАЙҒАМБАР НЕГЕ БАЛДЫ (ӘСЕЛ) ТАҢДАМАДЫ?

...

Расында, ең шырынды гүл мен шүйгінді шөптен жиналатын балдың адам денсаулығына пайдасы зор екені бесенеден белгілі.

ТОЛЫҒЫРАҚ »

АСПАНДА ЖҰЛДЫЗДАР ҚАНДАЙ БОЛАДЫ?

...

Жұлдыздар галактикалардың негізгі «тұрғындары» болып табылады.

ТОЛЫҒЫРАҚ »