ҮҢГІР ТАНУ ТАРИХЫНДА ЕҢ ІРІ ЖАҢАЛЫҚ
Категориясы: Ғылым
Спелеология тарихындағы ең ірі жаңалық 1940 жылы ашылды. Бұл - Франциядағы әйгілі Ласко үңгірі болатын. Мұндағы суреттердің молдығы да, көнелігі де Альтамира үңгірінен әлде қайда басым еді. Ласко үңгіріндегі суреттердің кереметтігі сонда үңгірге кірген адам бейне бір палеолит дәуіріне тап болып, ондағы адамдар мен аңдар арасындағы тіршілік үшін айқаскан қанқасан арпалысты көріп тұрғандай күй кешпек. Найза тиіп, ішек-қарнын шұбата сүйреткен бизон, шүйдесі күжірейіп жер тарпыған мүйіз тұмсық, осынау дүлей күш иелерінен жазым болып жан тапсырған адам, бәрі-бәрі тіршілік үшін жанкешті болмыс-бітімдерімен жүрек сыздатады.
Ласкодағы палеолит дәуірінің ғажайып бейнелеу өнеріне көп ұзамай-ақ «Алғашқы қауым бейнелеу өнерінің Сикст капелласы» деп айдар тақты. Микеланджелоның әйгілі фрескаларымен бұлайша батыл салыстырып ат қою тегін емес те еді. Өйткені осы үңгірлердегі бейнелеу өнері оны дүниеге әкелген адамдардың ізденіс-талпыныстарын, шығармашылық ерік-күшін толық білдіріп тұр.
Жарияланған-2016-04-20 14:17:19 Қаралды-17436
Мысық йодты қалай ойлап тапты. Тосын жаңалық
Француз химик-технологы және фармацевт Бернар Куртуа 1811 жылы йодты ойлап тапты. Бірақ, бұл жаңалығы ұзаққа созылып кетуі әбден мүмкін еді, егер Бернар Куртуаның сүйікті мысығы болмағанда. Бұл оқиғаны Куртуаның достары айтып береді.
АЛЬБОМ СӨЗ ТУРАЛЫ НЕ БІЛЕМІЗ?
Егер ежелгі римдіктен «Альбомның» не екенін сұрасаң, ол: «Альбом - ақ тақта. Латынша «альбум» - аппақ деген сөз.
ШЕТЕННЕН ӘР ТҮРЛІ ТАҒАМДАР ЖАСАУ
Раушан гүлділердің алма тұқымдас тармағына жататын өсімдік. Жемісі адам организмі үшін өте пайдалы. Оны «витаминдер шығатын бұлақ» десек қателеспейміз.
БІРҚАЗАН
Бірқазан - өте ірі құс. Дене пішіні салмақты, әсіресе, тұмсығы өте ұзын. Тұмсығының астыңғы жағында азық жинайтын созылғыш тері қапшығы болады. Олар Қазақстанның қопалы өзен-көлдерінде кездеседі. Бірқазандар топтанып, көп болып тіршілік етеді.
ОБА
Оба - адамдар мен жануарлардың өте тез жұғатын күшті жұқпалы ауруы. Әдетте оба жалпы әлсіздікпен басталып калтырауға, бас ауыруына, естен тануға алып келеді, температурасы тез көтеріледі.