UF

МЕЙІЗ САЛЫНҒАН ПЕЧЕНЬЕ

Категориясы: Тағам


Бірінші вариант. Жұмыртқаға қант қосып шайқалып, қаймақ, сарымай, тұз салынады. Ұн крахмалмен және содамен араластырылып, әлгі шайқалған массамен қосылады. Осылайша дайындалып, созылмалы күйге жеткенше иленген қамыр салқынға шығарылып, 15-17 минут ұсталады да жақсылап батон жасалады. Ол грек жаңғағының үлкендігіндей етіп кесіп-кесіп домалақталады. Домалақтар алдында әрқайсысына мейіз салынады. Сөйтіп домалақтар алдын-ала май жағылған жұқа табаға салынып, пісіріледі. Дайын болғаннан кейін үстіне ванилин қосылған қант ұлпасы себіліп тасталады.

Бұл тағамды жасауға 160 грамм ұн, 170 грамм крахмал, 100 грамнан қант пен қаймақ, 50 грамм май, 220 грамм мейіз, 50 грамм қант ұлпасы, 2 грамнан ванилин, тұз, сода және 1 жұмыртқа жұмсалады.

Екінші вариант. Жіби бастаған сарымай мен қант қосылып, ағарғанша шайқалады, массаға, аз-аздан бір жұмыртқадан қосылып отырады. Сөйтіп бәрі біркелкі массаға айналғанша араластырылып, ұн мен кішкентай-кішкентай мейіз салынады. Дайын болған қамыр кондитер қалталарға салынып, май жағылған табаға сығылады. Сонда бір-бірінен 5-6 сантиметр қашықтыққа орналасқан көлемі бірдей шелпектер болып шығуы керек. Ара-қашықтығы ондай болмаса пісірген кезде қамыр жайылып кетеді. Бұл тағам әбден қызғылт тартқанша пісіріледі.

Бұл тағамды жасауға 250 грамм ұн, 200 грамнан қант пен май, 120 грамм мейіз, 3 жұмыртқа жұмсалады.

Үшінші вариант. Салқындатылған сарымайға ұн салынып, езіледі де, жұмыртқаға қант қосып шайқалып, әлгі ұн сарымай қоспасымен араластырылады. Иленген қамыр 30-40 минут салқын жерге қойылып, содан соң ұзын шұжық сияқты етіп созылады да ет тартатын машинадан өткізіледі. Машинадан шыққан қамыр бір-біріне жабыспай тұрғанда бірдей етіп бөлінеді. Формаға келтірілген тағам ұн себіліп қойылған жұқа табаға салынып әрқайсысының үстіне бірнеше мейіз батырылады. Содан соң пісіріледі. Дайын қуырма тек салқындағаннан кейін ғана алынады.

Тағамның үшінші вариантын жасауға 300 грамм ұн, 200 грамм май, 80 грамнан қант пен мейіз, 0,5 грамм ванилин және 2 жұмыртқа жұмсалады.

  Жарияланған-2016-03-04 15:41:52     Қаралды-2077

Мәлімет сізге көмек берді ма

ГРЕК ЖАҢҒАҒЫНАН ЖАСАЛҒАН КӘЗИНЕК

...

Шыныдай жылтыр қатты, қант-сірне шырынында қайнатылған грек жаңғағынан түратын тағам. Мөлшері 40х40 мм төрт бұрышты болады.

ТОЛЫҒЫРАҚ »

ҚАҒАЗ ТАРИХЫ

...

Адамдар қазір біз жазып, сурет салып жүрген қағаз табылғанша қаншама нәрсенің бетін шимайламады десеңізші.

ТОЛЫҒЫРАҚ »

БЕКІРЕ

...

Бекіре (осётр) - аузы кіші, тұмсығы сүйір, дене тұрқы 2 м-ге, салмағы 12- 24, кейде 80 кг-ға дейін баратын көшпелі балық. Теңізде және оған құятын өзендерде өседі. Олар уылдырықтарын сәуір-мамыр айларында өзенге шашқаннан кейін теңізге қайта оралады.

ТОЛЫҒЫРАҚ »

Катаев не туралы ойлады?

...

Агриппина Донцоваға (қазірде Дарья деген атпен әйгілі) мектепте «Валентин Петрович Катаев не туралы ойлады, «Жалғыз парус ағарды»

ТОЛЫҒЫРАҚ »

ТАМИМ ИБН БАХР

...

IX ғасырдың басында Араб халифатының өкілі Тамим ибн Бахр Кимек (Қимақ) қағандығына саяхат жасайды. Түркі тілдес кимектер Шығыс және Орталық Қазақстан жерін, Ертістің орта алабын мекендеген. Тамим ибн Бахр Ұлы Жібек жолында орналасқан белгілі Тараз қаласы

ТОЛЫҒЫРАҚ »

ҚАРАҚАТ ЖИДЕКТЕН ӘР ТҮРЛІ ТАҒАМДАР ЖАСАУ

...

Қарақаттың жидегінде, буршігінде, жапырағында, гүлінде С, В1, Р витаминдері және А витамині (каротин) көп болады. Сонымен қатар жидегінде қант, лимон, алма қышқылдары, илік заты және бояу бар, бүршігінде және жапырағында эфир майы болады.

ТОЛЫҒЫРАҚ »