UF

ШОКОЛАД НУГАСЫ

Категориясы: Тағам


Шайқалған кәмпит массасына жаңғақ пен какао қосылған тағам осылай аталады.

Жаңғақ дәні жақсылап іріктеліп, бөгде қоспалардан, қабықтарынан, бұзылған дәндерінен тазартылады да соңынан жаңғақ жармалағышқа салынып жармаланады. Какао ұнтағы еленеді.

Құм шекер мен сірнеден шырын дайындалады. Ол үшін шырын 10-15 минут бойы температурасы 118-125 градусқа жеткізіліп, әлсіз карамель массасының белгілері көрінгенше қайнатылады.

Дайын шырынның үштен бір бөлігі құйып алынып, температурасы 80-90 градусқа жеткенше салқындатылады. Шырынды қайнатумен қоса жұмыртқаның белогы ақ көбік пайда болғанша шайқалады да оған жіңішкелеп қант-сірне шырынының үштен бірі құйылып отырады. Бұл кезде ол қатты-қатты араластырылады. Бұдан соң біртіндеп қалған шырын құйылады. Содан кейін бәрі универсалды шайқағыш машинаға құйылып, 15-20 минут бойы ақ көбігі атқанша шайқалады. Шайқап бола бергенде массаға жаңғақ дәндері, какао ұнтағы қосылады. Бәрі мұқият араластырылады да алдын ала ұн себіліп қойылған столдың үстіне төгіледі. Салқындатылады.

Дайын масса әрқайсысы 2-3 килограмм келетіндей етіліп бөлінеді де 10-13 милиметр қалыңдықта жайылған массаның ұзына бойына сызықтар жүргізіледі. 2-3 сағат кептіргеннен кейін мөлшері шамамен 35 х 35 миллиметрден келетіндей етіліп кесіледі. Содан соң 40-60 минут бойы кептіріледі. Дайын болған нуга түбіне қағаз төселген астаушаларға салынады.

Бір килограмм нуга жасауға 584,1 грамм құм шекер, 292,0 грамм сірне, 35,0 грамм жұмыртқаның ақ уызы 81,8 грамм кептірілген жаңғақ (бұл 84,5 грамм кептірілмеген жаңғаққа пара-пар), 58,4 грамм какао ұнтағы және бөлген кезде себу үшін 23,4 грамм жоғары сортты ұн жұмсалады.

Тағам төрт бұрышты болып келеді. Түсі қоңыр. Беті қыртысты, арасынан жаңғақ дәндері керініп тұрады. Ылғалдылығы 8-10 процент.

  Жарияланған-2016-03-01 12:00:03     Қаралды-1182

Мәлімет сізге көмек берді ма

ЖҮГЕРІ ҮЛПЕГІНЕН ЖАСАЛҒАН КҮЛШЕ (коржик)

...

Қант, жұмыртқа, қаймақ араластырылып, оған жуылған мейіз, жүгері үлпегі және сода қосылады да, 1 минут бойы тағы араластырылып, қамыр иленеді.

ТОЛЫҒЫРАҚ »

АХМЕТ БАЙТҰРСЫНҰЛЫ (1873-1938)

...

Ахмет Байтұрсынұлы Қостанай облысы Торғай өңіріндегі Сарытүбек деген жерде туған. Ол жасынан зерек, сергек болып өседі. Ауыл молдасынан сауатын ашады. Он үш жасында жетім қалып, тағдырдың талқысын көп көреді.

ТОЛЫҒЫРАҚ »

Кейбір кесірткелер қанмен атқылай алады

...

Бақа сияқты кесірткелер — игуана тәрізді тұқымдастардың қысқа аяқты және қысқа құйрықты кесірткелер түрі, жыртқыштардан қорғайтын бірегей қабілеті бар.

ТОЛЫҒЫРАҚ »

8 ТҮРЛІ ПАЛАУ ДАЙЫНДАҢЫЗ

...

Шағындау қазан отқа қойылады да, май салып қыздырылады. Май қайнай бастағанда сақиналап, ірілеу етіп туралған...

ТОЛЫҒЫРАҚ »

КОМЕТА

...

КОМЕТА (грек. kometes) - құйрықты жұлдыз, дәл мағынасы ұзыншашты - аспанда оқта-текте тұманданған объект түрінде байқалып, жұлдыздарға қатысты орын ауыстыратын және әдетте центрінде қылаң түйіртпегі (ядросы) бар, Күн жүйесіндегі аспан денесі.

ТОЛЫҒЫРАҚ »

ШЕКЕР-ШҮРЕК

...

Бұл - тоқаш қамырынан жасалып, үстіне қант ұлпасы себілген, үгіліп тұратын дөңгелек печенье (құырма).

ТОЛЫҒЫРАҚ »