ЖАҢҒАҚ ТҮТІКШЕЛЕР
Категориясы: Тағам
Бұл - арасына жаңғақ салынған тоқаш қамырынан жасалған тағам.
Қамыр дайындау үшін сарымай мен қаймақ 8-10 градусқа дейін салқындатылады. Бұдан соң май 2-3 минуттай ерітіліп, жақсылап қолмен сығымдалады да қаймақпен араластырылады. Дайын болған массаға ұн араластырылып, қамыр иленеді. Қамырдың илеп болғандағы температурасы 12-15 градус, ылғалдылығы 26-28 процент болуы керек. Оның ішіне салатын заттар былайша әзірленеді. Жармаланған грек жаңғағы микс-машинада құм шекермен және балмен (бал тек сұйық күйінде ғана алынады) араластырылады да содан соң дәм қабық қосып, бәрін әбден араластыра отырып иленеді. Ішіне салатын заттардың ылғалдылығы 8-11 процент болуға тиіс. Дайын болған қамырдың әрбір бөлігінің салмағы 40 грамнан келетіндей етіліп бөлінеді. Әр бөлік бір жағы жалпақтау, екінші жағы жіңішкелеу етіліп жайылады. Қамырдың жалпақтау жағына ішіне салатын заттардың 30 грамы салынып, түтікше сияқты етіп оралады. Түтікшеге жұмыртқаның сары уызы жағылып, маймен майланған қаңылтыр табақшаларға салынып, температурасы 200-230 градус пеште 25-35 минут бойы пісіріледі.
Піскеннен кейін салқындатылады. Салқындаған түтікшелер қағаз төселген астаушаларға салынады.
Бір килограмм түтікшеге 431,9 грамм жоғары сортты ұн, 196,3 грамм қаймақ, 123,7 грамм сарымай, 196,3 грамм грек жаңғағының дәні, 157,1 грамм құм шекер, 39,3 грамм бал, 2,4 грамм дәм қабық және жағу үшін 39,3 грамм жұмыртқаның сары уызы жұмсалады.
Түтікшенің формасы өз атына сай, ішінде міндетті түрде грек жаңғағы бар, екі ұшы жабық, сырты жылтыр, күңгірт сары түсті, дәмі осы тағамның өзіне тән болуға, дәм қабық иісі шығып тұруға тиіс. Ылғалдылығы - 9 процент.
Жарияланған-2016-03-01 15:34:10 Қаралды-2716
ӨСКЕМЕН
Қазақстанның шығысында Алтай тауы Үлбі жотасының түбінде Ертіс өзенінің оң жағалауында орналасқан. Қаланың іргесі 1820 жылы әскери қамал ретінде қаланып, Усть-Каменная бекінісі аталған. Ертеректе қазақтар Үлба, Тұңғиық тұмсық, Қараөзен деген атауларды да
ҚАРШЫҒА
Қазақ аңшыларының бүркіттен кейін колға ең көп ұстайтын кұсы - қаршыға. Дене тұрқы - 28-114 см, салмағы - 800-1500 г. Қос шалғылығының арасы - 100- 120 см. Тұмсық, тұяқтары қара. Қаршыға шегір көзді болып келеді. Доғалдау біткен қанатының қысқалығы, оның
ШЕЛПЕК НАНЫ
Бұл - дөңгелек, шет жақтары қалың, ортасы жұқа, үстінен әр жері тесілген, салмағы 0,2 килограмм тағам.
ЖАҢҒАҚ ПЕН ЖҮЗІМНЕН ЖАСАЛҒАН ДОМАЛАҚ
Тазартылып, қуырылған грек жаңғағы, іріктеліп, жуылып кептірілген жүзім (сүйегінен арылтылған) және кепкен нан ет тартатын машинадан екі рет өткізіледі.
Стайл әже: жаңа сәнді тренд
Ақ шаштар үнемі кәріліктің белгісі және сұлулықтың солуы саналып келді. Сол себептен әйелдерге оны әртүрлі тәсілдермен жасыруға тура келді. Бірақ, бүкіл дүне жүзі бойынша жас қыздар стереотипті жою керек деп шешіп, шаштың бұл түсін жаңа тренд етіп жасады.
КИРИЛЛ ЭЛІПБИІ
Кирилл әліпбиі (кириллица) - славян ағартушысы Кириллдің атымен аталған әліпби. Кирилл 827 жыл шамасында Фессалоники (Солунь) қаласында туылған. Кирилл славян елдеріне христиан дінін уағыздау үшін славян әліпбиін жасайды.