ҚЫРҒИ
Категориясы: Жануарлар
Қырғи - қаршыға тұқымдасына жататын жыртқыш құс. Оның түр-түсі де қаршығаға мейлінше ұқсас. Қырғидың дене тұрқы - 30-43 см, қанатын жайғандағы ұзындығы - 18-26 см, салмағы 120- 280 г. Ұябасары шәулісіне қарағанда кесектеу. Шәулісінің жоны көк сұр, бауыры ақ сары, қоңырқай дақтары бар, төбесі қара, көзінің айналасы ақ, ал ұябасарының жоны қоңыр, бауыры ақ сұр, қоңыр жолағы бар, құйрығының ұшы ақ болады. Қырғи ұшып жүргенде қанатының қысқалығына, құйрығының ұзындығына қарап, оны бірден айыруға болады.
Қарымы шағындау, күші аздау болғандықтан да қырғи көп ретте үйрек, тарғак, бұлдырық, бөдене сияқты құстарға түседі. Тұрымтай, ителгі сияқты қырғи да қазақ ауылының жаңа талап, жас бозбалаларының ермек ететін, саятшылыққа жаттығатын құсы. Шақырайған түс кезінде, желді күндері, ыстықта қырғиды құсқа салмайды. Мұндайда құстың шабыты болмайды. Қырғиды құсқа мүскектеп салады. Мүскектеп салу деген - құстың қанатын қомдатып, сол қолмен жауырынынан уыстай ұстайды да, сол бетінде бауырын алақанға тигізе оң қолына алады. Кейін бетін желге қаратып, салатын құсқа қарай сілтеп жібереді. Бір ұмтылғанда «жемін» іле алмаған қырғи да қаршыға сияқты отырып қалады. Мұндайда кұсқа зекімей, белгі бере шақырып алып, сылап-сипап ықылас көрсеткен пайдалы.
Жарияланған-2015-11-17 15:52:08 Қаралды-8647
Табиғи «Ванилинмен» бірдей хош иістендіргіш
Жиі қолданылатын хош исітендіргіштердің бірі – ванилин. Біз оны дәйім барлық жерде қосамыз. Пісіретіндерге, кілегейлерге, тәттілерге, дәйім барлық жеміс-жидек иістерге – барлық жерде ванилин бар
ҒАРЫШ ТУРАЛЫ ЕҢ ҚЫЗЫҚТЫ ДЕРЕКТЕР
Шексіз кеңістік кейде тіпті қорқынышты болса да, зерттелмеген және әдемі құбылыс.
ҚЫЗЫЛҚҰМ ӨҢІРІ
Қызылқұм өңірі - Әмудария (Өзбекстан) мен Сырдария (Қазақстан) өзендері аралығын алып жатқан құмды алқап. Басқаша айтқан-да, солтүстік-батысы Арал теңізіне, оңтүстік-шығысы Өзбекстандағы Зеравшан аңғары мен Нұратаға ұласады. Қызылқұм кұмды алқабының аудан
БАДАМ ТҮТІКШЕЛЕР
Ішіне бадам дәні салынған қамырдан жасалатын тағам осылай деп аталады. Қамырды дайындау әдісі, оны бөлу жолдары, сондай-ақ температурасы мен ылғалдылығы жаңғақ түтікшелерін жасағандағыдай. Ішіне салу үшін бадам пайдаланылады.
14 ТҮРЛІ ПАЙДАЛЫ ТОСАПТАР (СИРОП)
Тосап қайнату үшін мөлшері бірдей, ұсақтау қызыл помидорлар іріктеледі. Ол үшін жарақатталған, езілгендері алынып тасталынады.
