САМАУЫРДЫҢ ІШІНЕ ҚАҚ ТҰРСА
Категориясы: Көңіл көтеру
Самауырдың, сондай-ақ шай қайнатып жүрген шайнектің ішіне біраз ұсталғаннан кейін (егер күнделікті ысқылап жуып жүрмесеңіз) судың қағы тұрып қалады. Егер уақытында тазалап түсіріп тастап тұрмасаңыз, самауырдың ішінде ол мүлдем қалыңдап кетеді. Ондай қақты түсіру үшін сілті немесе қышқыл қолданылады. Сілтілер алюминийден басқа металға зиянды әсер етпейді. Сондықтан самауырдың ішіне тұрған қақты түсіруге сілті қолданған тиімді. Сілтімен өңдегенде самауырдың қағы жұмсарып қалады. Содан кейін оны щеткамен түсіріп тастайсыз. Бұл үшін құрамында фосфор қышқыл тұздары бар «тринатр» және фосфор» ақ ұнтақтары алынады, кейде кір жуатын соданы да пайдалануға болады. Бір литр ыстық суға осы ақ ұнтақтың біреуін 20-40 г есебінен салып, самауырға құяды да, 1-2 сағаттай қайнатады. Бұдан соң жұмсарған қақты щеткамен сыпырып түсіреді де, самауырдың ішін таза сумен бірнеше қайтара жуып алады. Егер самауырдың қағы толык кете коймаса, оны осылайша 2-3 рет қайталап тазарту керек. Шайнектің ішін де осы әдіспен тазалайды.
Қышқылдардың ішінен көбінесе сірке эссенциясын немесе 8 проценттік сірке суын қолданады. Сірке эссенциясын алғанда оны 1 л суға 1-2 шай қасық есебінен құяды. Бұдан соң ол суды самауырға құйып, 1-1,5 сағат қайнатады да, одан кейін таза сумен мұқият жуып алады. Ал 8 проценттік сірке суын 1 л суға 3-5 ас қасық есебінен алады.
Жез шайнектің ішіне тұрған судың қағын кетіру ұшін каустикалық соданы (1 л суға 10 г есебінен) қолдануға болады.
Жарияланған-2024-03-26 13:58:06 Қаралды-319
ЕҢ ҮЛКЕН ЕГІС ДАЛАСЫ ҚАЙСЫ?
Бүкіл алқап жайылған алтын кілем секілді. Бұл - бидай, еліміздің астығы. Жел тұрса болды, теңіз суы шайқалғандай, даланы алтын түсті, сарыала толқын басады.
ТІРІ «МҰРАЖАЙҒА» АЙНАЛҒАН АҒАШ
Бұл ағашты алғаш рет 1690 жылы байқап көңіл аударған Жапониядағы голландия елшісі дәрігер Е.Кемпфер болған. Е.Кемпфер байқап қана қоймай, 1712 жьшы толық сипаттап «гинкго» - деп атаған. «Гинкго" - жапон тілінде «күміс жеміс» - деген мағынаны білдіреді.
ДӘСТҮРЛІ ТӘТТІ ТАҒАМДАР
Табаға 3-4 сантиметр қалыңдықта ұн салынады да, духовкаға немесе газ плитасына қойылып, шала қуырылады.
АРХЕОЛОГИЯ ДЕГЕНІМІЗ НЕ?
тарих ғылымының бір саласы, алғашқы қауымнан, көне заманнан, орта ғасырдан қалған заттай есқерткіштерді зерттеу арқылы адам қоғамының өткендегі тарихын анықтайды.
