ЖОРҒА ЖАРЫС
Категориясы: Спорт
ЖОРҒА ЖАРЫС - жорғаға мініп шабандоздардың жарысуы. Жорға жарыс - қазақтармен қатар туысқан Орта Азия халықтарының арасында да кең тараған ұлттық спорт ойыны. Жарысқа жігіттер, қыздар, әйелдер де қатынасады. Жарысқа түсетін жорғаның ертұрманы жұмсақ, әшекейлі болуы, ал шабандоздар ұлттық киім киюлері керек. Егер жарыс кезінде жорғаның жүрісі бұзылса, яғни шауып кетсе, шабандозға ескерту жасалады, ұш ескертуден кейін ол жарыстан шығарылады. Жорға жарыс адамды шынықтырады, ептілікке, шеберлікке баулиды және эстетикалық тәлім-тәрбие береді. Жорға жарыс ипподромда не жазық далада 2-4-6 км қашықтыққа өткізіледі. Жарыс көбіне мерекелі күндерге арналған бәйгемен қатар өткізіледі.
Жарияланған-2019-10-31 12:12:24 Қаралды-4139
ФРЕСКА ҚАЙ КЕЗДЕРДЕН ПАЙДАЛАНЫЛҒАН?
Ең ерте кездерден бастап осы заманға дейін суретшілер монументтік бейнелеу өнерінде фреска әдісін кеңінен пайдаланады. Ол италия тіліндегі «fresco» «Шикі», «жаңа жасалынған» деген сөзден шыққан.
КЕТБҰҒА КҮЙШІ МЕН ЖОШЫ ХАН ТУРАЛЫ АҢЫЗ
Шыңғыс ханның Жошы деген баласы жабайы құлан аулап, өзін қаумалаған нөкер серіктерінен тым ұзап кеткенін сезбей де қалады. Ханзада жүйткіген құландарды өткір жебемен дәл көздеп құлата береді, оның жүрегінде бейшара жануарларға деген аяушылық болмайды.
СҮЙЕКТЕН ЖАСАЛҒАН ҚАНДАЙ БҰЙЫМДАР БОЛАДЫ?
Мал шаруашылығымен, аңшылықпен айналысқан қазақ халқы жануарлардын сүйектерін де түрлі қажеттеріне жарата білген. Қазақ шеберлері үй жиһаздарын, саз аспаптарын, т.б. әзірлегенде оларды әшекейлеп безендіру үшін мүйіз бен сүйекті кеңінен пайдаланған.
ҰСТАУҒА БАЛҒА НЕГЕ КЕРЕК?
Мына жарық дүниеде бір адам өмір сүріпті. Нар көтергендей күшті екен. Ертеңнен қара кешке дейін қап-қара түтін қаптаған ұстаханада ұсталық етіпті.
ШЕЛПЕК НАНЫ
Бұл - дөңгелек, шет жақтары қалың, ортасы жұқа, үстінен әр жері тесілген, салмағы 0,2 килограмм тағам.
ОҒЫЗДАР
Оғыздар - түркі тілдес тайпалар. Тарихта V ғасырдан бастап белгілі. Олар ертеректе Жетісу өңірін мекендеген.