АЗЕРБАЙЖАН НАНЫ
Категориясы: Тағам
Қамыр мен помада дайындау әдісі бұқар нанын дайындау әдісіне ұқсас. Одан айырмашылығы қамыр иленгенде сүттің орнына жұмыртқа қолданылады және запыран сығындысы қосылады. Илеп болғаннан кейін қамырдың температурасы 18-20 градус, ылғалдылығы 21-23 процент болу керек. Қамыр 0,5 килограмнан өлшеп, диаметрі 30-35 миллиметр батон формасына келтіріледі. Содан соң қағаз төселген қаңылтыр табақтарға салынады. Әуелі жұмыртқа жағып, содан кейін температурасы 200-230 градус пешке қойылып пісіріледі. Оған 20-25 минут уақыт кетеді. Салқындатылғаннан кейін батонға екі қабат етіп помада жағылады. Алғашқы қабатының ені 40-45, қалыңдығы 7-8 миллиметр етіліп жағылады да, үстіне одан гөрі енсіздеу - ені 8-19 миллиметр болатындай етіліп екінші қабат жағылады. Помада қатып болған соң батон ені 40 миллиметр болатындай етіліп қиғаштап тілінеді.
Батондар қағаз төселген астаушаларға 3-4 қатар етіліп салып қойылады.
Бір килограмм азербайжан нанын жасау үшін 325,2 грамм жоғары сортты ұн, 162,6 грамм сарымай, 94,3 грамм қант ұлпасы, 78,0 грамм жүзім, 48,8 грамм құрғақ цукат, 104,1 грамм жұмыртқа, 48,8 (бұл 58,5 грамм кептірілмеген лещина жаңғағымен пара-пар) грамм кептіріліп, ұнтақталған лещина жаңғағы, 1,5 грамм аммоний, 0,06 грамм запыран, жағатын 13,0 грамм жұмыртқа, помадаға кететін 243,9 грамм құм шекер және помадаға салатын 24,4 грамм сірне жұмсалады.
Азербайжан нанының формасы қиғаштап тілінген, қою сары түсті, помадамен жылтыратылған, сынғыш, бірақ үгітілмейтін, ылғалдылығы – 10-13 процент болу керек.
Жарияланған-2016-03-10 14:07:19 Қаралды-2367
ЖҰМЫРТҚА МЕН СҮТТЕН ЖАСАЛҒАН СІЛІКПЕ
Қантқа қосып араластырылған жұмыртқаның сары уызы қайнатылған жылы сүтпен бірте-бірте ерітіліп, ыстың суға қойылады да, ұдайы араластырыла отырып, аздап қоюландырылады.
ҚАЗАҚ ӘЛІПБИІНІҢ ТАРИХЫ
Әліпбилік жазу - дүние жүзі мәдениетінің қол жеткен орасан зор табысы болса, бұл мәдени мұраға біздің ата-бабаларымыз да өзіндік үлес қосқан деуге болады.
АРХЕОЛОГИЯ МҰРАЖАЙЫ
Археология мұражайы Қазақстандағы археологиялық қазбалар кезінде табылған көне заман мұраларын сақтап, зерттейтін мекеме болып табылады. Бұл мұражай 1973 жылы Тарих, археология және этнография институтының жанынан ашылған.
ЖАС ЖЕМІС НЕМЕСЕ ЖИДЕК АРАЛАСТЫРЫП ШАЙҚАЛҒАН ҚАЙМАҚ
Рецептіде көрсетілген жемістер жақсылап жуылып, үстіне шайқалған кілегей құйылады. Дастарқанға қант ұлпасы қоса әкелінеді.
АСЫЛ МЕТАЛДАР
Асыл металдарға алтын, күміс, платина және осы платина тобына жататын иридий, осмий, палладий, рутений және радий металдары жатады. Басқа металдарға қарағанда, асыл металдар химиялық әсерлерге тұрақтылығымен, оңай иілгіштігімен (алтын, күміс), баяу балқығ
ҚҰЛАҒЫҢ САУ БОЛСЫН ДЕСЕҢ...
Құлағыңның құрылысы мен қызметін біл. Құлақ бастың екі самай сүйектерінің ішінде орналасқан.