ПАЙҒАМБАР НЕГЕ БАЛДЫ (ӘСЕЛ) ТАҢДАМАДЫ?

Категориясы: Тағам

Расында, ең шырынды гүл мен шүйгінді шөптен жиналатын балдың адам денсаулығына пайдасы зор екені бесенеден белгілі. Қасиетті Құранда тіпті «Аралар» атты сүре де бар. Оның 68-аятында: «Тауларға, ағаштарға, құрылыстарға ұя (омарта) сал!» делінген. Яғни «Раббың араға былай деп әмір етті...» делінеді. Алла тарапынан Құранда бірде бір жануар, жәндік атаулыға қатысты осындай нұсқау айтылмағанын, бағыт сілтенбегенін ескерсек, осыдан ақ аралар қауымына Алланың қандай нығмет бергенін біле беруге болады. Сол «Аралар» сүресінің 68-аятында: «...Содан кейін түрлі жемістермен қоректеніп, Раббың көрсеткен, қолайластырған жолдармен жүр. Араның қарындарынан түрлі түсті бал шығады. Онда адам баласы үшін шипа бар. Шын мәнінде, мұның өзі түсінген жан үшін ғибрат» делінген. «Бал 1001 дертке дауа» деген де хадис бар.

Ендеше, Пайғамбар балды неге таңдамады? Бұл өте-мөте нәзік мәселе. Ғұламалардың түсіндіруі бойынша, біріншіден, бал адам ағзасына қаншалықты пайдалы болғанымен, оны әркім пайдалана алмайды, себебі ол кез келгеннің қолына түсе бермейтін қат азық. Екіншіден, балды сүт сияқты кез келген жерде әрі кез келген маусымда шығара алмайсыз. Үшіншіден, бал сүтке қарағанда өзегінен алыс. Әулиелер түсте көрген балды тәттіге яғни дүниеқоңыздыққа жорыған.

  Жарияланған-2016-08-22 16:38:22     Қаралды-4100