АҚМИЯ, УТАСПА ШӨП
Категориясы: Өсімдікті
АҚМИЯ, УТАСПА ШӨП – ТЕРМОПСИС ЛАНЦЕТНЫЙ
Ол да биіктігі 40 сантиметрге дейін жететін, сабағы түзу, көп жылдық, шөп тектес өсімдік. Тамыр сабағы сұлап жайқала өседі. Сабағында бұтақтары көп, жапырақтары сұр түсті, кезектесігі, үш-үштен топтала орналасқан. Жапырақтарының бөлшектері сопақша, жіңішкелеу болып келеді. Қосымша жапырақтары сабақтарынан ұзын, сондықтан бұл өсімдіктің жапырақ тамыры бес салалы болып көрінеді. Гүлдері сары түсті, ірі, сабағының үш жағында шоғырланып тұрады. Жемісі – ұзындығы 6 сантиметрге дейін жететін бұршақ сияқты қоңыр түсті әрі жалпақ болады. Ол таулардың, төбелердің тастақты беткейлерінде, тың жерлерде, шөл және шөлейт аймақтарда, ал кейде арамшөп ретінде егістіктердің арасында да өсе береді. Дәрі жасау үшін өсімдіктің жерге түскен бөлігін, тұқымын жинайды. Құрамында термопсин, гомотермопсин, метилцитизин, пахикарпин, анагирин деген алкалоидтер, илік, қоймалжың заттар, сапониндер, смолалар, С витамині бар.
Ақмиядан жасалған дәрілердің қақырық түсіретін, ішек құрттарын айдайтып қасиеттері бар. Осыған байланысты ол өкпе және жоғары тыныс жолдары қабынғанда ем үшін қолданылады. Құрамындағы пахикарпин атты алкалоидтың қасиеттеріне байланысты қан тамырының (артерияның) кейбір ауруларын емдеу үшін және жатырдың бұлшық еттерін жиырылдыру үшін де қолдануға болады. Ақмиядан жасалған дәрілерді асқазан қабынғанда, асқазанға жара түскенде, кейбір қан ауруларын емдеуге пайдалануға болмайды.
Қолдану тәсілі. Майдаланған ақмия шөбінің 0,6-1 грамын қайнап тұрған 1 стакан суға салып жарты сағат тұндырады да, суытып сүзіп алады. Даяр болған дәріден 1 ас қасықтан күніне 3 рет ішеді.
Жарияланған-2016-07-13 13:46:41 Қаралды-4020
ҒАЖАЙЫП ТЕҢІЗ «ТҰРҒЫНДАРЫ»
Жағалауда тұрып, шалқар айдынға көз жіберген кезде, теңіз дегенің судан басқа ештеңесі жоқ тұлдыр, тіршіліксіз дүниедей болып көрінеді.
МҮКЖИДЕКТЕН ӘР ТҮРЛІ ТАҒАМДАР ЖАСАУ
Мүкжидектің құрамында қант көп, лимон, бензой және хинин қышқылдары, пектин заттары, бояу заттары, С витамині бар. Халықтық медицинада - мүкжидек экстракты, сиробы, шырыны безгек ауруларымен ауырған адамның температурасын төмендетуге, құрқұлақ ауруын емде
КӨРКЕМ СУРЕТТЕ ПАЛИТРА
Әр суретші дүниені өзінше көріп, өзінше бейнелейді. Әрқайсысы әр түрлі бояу үйлесімін ұнатады.
КӨРКЕМ СУРЕТТЕ ИНТЕРЬЕР
Сәулетші өзі салатын үйдің тек сыртқы ажарына ғана емес, ішкі көркіне де көп көңіл бөледі. Үйдің ішін безендіру өнерін «интерьер» деп атайды. Ол француздың «ішкі» деген сөзінен шыққан.
АҒАШ ШАҢҒЫНЫ АЛҒАШҚЫ КИГЕНДЕР СКИФТЕР
Аяққа киетін шаңғыны алғашқы кезенде халық ағаш ұлтан деп атапты.