UF

ДӘРІЛІК САБЫНШӨП (ЖЕР САБЫН)

Категориясы: Өсімдікті


 

ДӘРІЛІК САБЫНШӨП (ЖЕР САБЫН) МЫЛЬНЯНКА ЛЕКАРСТВЕННАЯ

Дәрілік сабыншөп - биіктігі 80 сантиметрге дейін жететін, көп жылдық, шөп тектес өсімдік. Тамыр сабағы жіңішке әрі ұзын, сыртқы жағынан қарағанда қызыл қоңыр түсті, сындырып қарағанда ішкі жағы ақшыл сары. Сабақтары түзу, жоғарғы жағында жайыла өседі. Жапырақтары қарама-қарсы орналасқан, сопақша келген немесе эллипс тәрізді, ұзындығы 12 сантиметрге дейім жетеді, ұштары сүйір, шеттері кедір-бұдыр, сағақтары қысқа. Гүлдері хош иісті, ақ немесе ашық қызыл түсті, бір-екіден ең жоғарғы жапырақтарының қуысына орналасқан. Гүл тостағаншасының қалақшалары бесеу, біріне-бірі жабысып, ұзындығы 2 сантиметрлік түтікше жасап тұрады. Гүл жапырақшалары да бесеу. Маусым-тамыз айларында гүлдейді.

Дәрілік сабыншөп өзен жағаларында, ылғалды шабындықтарда, орманның және бұталардың арасында өседі. Кейде бақта әсемдік үшін қолдан егіледі. Дәрілік мақсатқа өсімдіктің тамырын пайдаланады. Құрамында сапониндер, сапонарозид бар. Өсімдіктің тамыры сабын сияқты, сондықтан кейде жүннен және жібектен тоқылған материалдарды жууға пайдаланылады. Өсімдік тамырының тұнбасын ғылыми медицинада қақырық түсіретін дәрі орнына, жоғарғы тыныс жолдары қабынғанда қолданады.

Халық медицинасында сабыншөптің тамырын бронх қабынғанда, өт және несеп айдайтын, тер шығаратын дәрі ретінде пайдаланады. Сулы тұнбасымен есекжемді, терідегі іріңді бөртпелерді емдейді.

Ертеде халық арасында сабыншөпті подаграны емдейтін ең күшті дәрі деп есептеген. Соңғы кездерде несеп жүргізу арқылы шемен ауруын емдеп жүр. Ол үшін тамырды суға қайта-қайта жуып, денені тітіркендіретін заттарды тамырдан ажырату керек.

Сабыншөп тамырын тіс және тамақ ауырғанда да пайдаланады, ревматизмді, бауыр ауруларын, өт қалтасының қабынуын емдейді.


Дәріні дайындау және қолдану тәсілі. 8 грамм өсімдікті 1 стакан суға салып, 8 сағат тұндырады да, 1 ас қасықтан күніне 4-6 рет ішеді. Егер бұл дәріні мөлшерден артық ішсе, онда асқазанды тітіркендіріп, ауру адамды құстырады, ішін өткізеді. Сондықтан сабыншөпті дәрігердің бақылауымен пайдаланған дұрыс.

  Жарияланған-2016-07-12 12:11:09     Қаралды-2109

Мәлімет сізге көмек берді ма

ДИУАНИ ХИКМЕТ

...

«Диуани Хикмет» («Ақыл кітабы») - Қожа Ахмет Иасауидің сопылықты (суфизм) жыр еткен әдеби шығармасы. Қожа Ахмет Иасауи қазақ даласында ислам дінінің нығаюына зор ықпал жасаған ғұлама, әулие адам болған. Шамамен 1093 жылы (кейбір деректерде 1041, 1103 жыл

ТОЛЫҒЫРАҚ »

СУРЕТШІ ИЛЛЮСТРАЦИЯНЫ ҚАЛАЙ ЖАСАЙДЫ?

...

Біз суретті кітапты ашып қарағанымызда, басқа бір әлемге тап болғандай әсер аламыз. Әлгі суреттерде өлі кейіпкерлер тіріліп, кітапта айтылатын оқиға өткен ел мен жер қаз-қалпында сайрап көз алдымызда тұра қалады.

ТОЛЫҒЫРАҚ »

АРША

...

Арша - кипарис тұқымдасына жататын, мәңгі жасыл қылқан жапырақты бұта. Қазақстанда жабайы 10 түрі бар. Биіктігі - 1-2 м. Қылқаны қабыршақты, тікенекті болады. Өте сирек кездесетін түрі - Зеравшан аршасы.

ТОЛЫҒЫРАҚ »

СҰЛЫ – АЯҚ ТЕРЛЕУДІ БАСЫНДЫРАДЫ

...

Халық медицинасында сұлының сабағынан тер шығаратын, несеп айдайтын, дене қызуын төмендететін, жел шығаратын дәрілер жасап пайдаланады.

ТОЛЫҒЫРАҚ »

ҚАЙЫҢ ҚАБЫҒЫ ДА ҚАЖЕТКЕ ЖАРАЙДЫ

...

«Қайың» - деген сөзді естіген кезде көз алдымызға ақ қабығы діңін қаптаған тіп-тік өскен ақ қайыңдар мен «мың бұрала билеген» ақ қайыңдар бейнесі елестейді.

ТОЛЫҒЫРАҚ »

ЯДРОЛЫҚ ЖАНДЫРҒЬІШ

...

Ядролық жандырғыш - ядролық энергияның босауымен жүретін бөліну немесе синтез реакцияларына ядролары қатысатын заттар.

ТОЛЫҒЫРАҚ »