ШЕҢГЕЛ – ГЕМОРРОЙДЫ ЕМДЕГЕНДЕ ПАЙДАЛАНАДЫ
Категориясы: Өсімдікті
ШЕҢГЕЛ – СТАЛЬНИК ПАШЕННЫЙ
Шеңгел – биіктігі 50 сантиметрге дейін жететін, бұталы өсімдік. Сабақтары қызыл қоңыр түсті, түзу әрі тік өседі, бұтақтары көп. Жапырақтары кезектесіп орналасқан, сағақтары ұзын, төменгі жағындағы және орта шетіндегі жапырақтары үш-үштен қосақталып тұрады. Гүлдері – ірі, ашық қызыл түсті, гүл сабақтары қысқа, гүлдері масақ тәрізденіп бұтақтарының ұш жағындағы жапырақтарының қуысында екі-екіден жиналып тұрады. Гүл тәжі бес гүл жапырақшаларынан кұралған. Гүл жапырақшалары гүл тостағаншасының қалақшаларынан ұзынырақ. Оңай ашылатын буылтық кауашақта екі тұқым бар. Шеңгел маусым-тамыз айларында гүлдейді. Ол өзендердің жағаларында, далалы аймақтарда, шабындықтарда, бұталардың арасында өседі.
Дәрілік мақсат үшін шеңгелдің тамырын күзде қазып алады. Құрамында ононин, ононид деген гликозидтер, оноцерал, огоколь, илік заттар, эфир майлары бар. Шеңгел тамырының тер шығаратын, іш жүргізетін, несеп айдайтын қасиеттері бар. Осыған байланысты халық медицинасында шеңгел тамырымен шеменді, сарыпты (подаграны), ревматизмді емдейді. Сонымен қатар бүйрекке және қуыққа тас байланғанда да оның тамырын дәрі ретінде пайдаланады. Іш жүргізетін қасиетін геморройды емдегенде пайдаланады. Мұндайда аурудың іші дұрыс жүріп, жағдайы жақсарады, дәріні ішкен соң 1 аптадан кейін геморрой түйіндерінен қан кетуі тоқтадады.
Дәріні дайындау және қолдану тәсілі. Ұнтақталған өсімдік тамырының 30 грамын 1 литр суға салады да, жарты литрі қалғанша қайнатады. Даяр болған дәріні сүзіп алып, 1 стаканнан күніне 3 мезгіл ішеді. Несеп айдайтын дәрі ретінде ұнтақталған өсімдіктің 30 грамын қайнап тұрған 1 стакан суға жарты сағат тұндырады да, 1 ас қасықтан күніне 4-6 рет ішеді.
Жарияланған-2016-07-15 15:27:47 Қаралды-8959
БАНКНОТАЛАРДА ҚАНДАЙ ЗИЯНКЕСТЕР ӨМІР СҮРЕДІ?
Бірнеше жыл бұрын Оксфорд университетінің ғалымдары қызықты зерттеу жүргізді.
ЖАҢҒАҚ КӘМПИТТЕРІ
Терең табаға қант салынып, жақсы жанып жатқан отқа қойылады. Ол ашық қоңыр түске енгенше қыздырылып, жаңғақ дәндері қосылады да бәрі жақсылап тез-тез араластырылады.
БИАТЛОН ТАРИХЫНАН
Биатлон ... «атлон» грекше «күрес» деген сөз. Биатлон жарысы кезінде спортшылар шаңғымен сырғанап және мылтықпен нысанына көздеп атып өнер көрсетеді.
ҚЫРЫҚҚҰЛАҚ
Қырыққұлақ - жапырақтары тілімденген сәндік өсімдік. 12 мыңнан астам түрі бар. Қазақстанда 35-ке жуығы кездеседі. Кейбір түрлері тамыры арқылы, кейбірі жапырағында пайда болатын өнім бүршіктерімен көбейеді.
ШӘКЕН АЙМАНОВ
Шәкен Кенжетайұлы Айманов (1914-1970) - Қазақстанның белгілі актері әрі режиссері, халық әртісі. Ол 1914 жылы 15 ақпанда Баянауылда дүниеге келген. Бала кезінен өнерге жақын Шәкен көркемөнерпаздар үйірмесіне белсене араласады. Ғ.Мүсіреповтың арнайы шақыру
600 ЖЫЛ ЖАСАҒАН ШЫНАР
Шыршық өзенінің жоғары ағысында алып шынар ағашы бар. Шынардың үлкендігі сонша, бірталай адам қол ұстасып тұрып құшақтаса да, құшақтары жетпейді екен. Көлеңкесіне бірнеше жүз адам бір незгілде демалатын көрінеді.