СПЕЛЕОЛОГИЯ ІЛІМІ ӘЛЕМГЕ НЕ БЕРЕДІ?

Категориясы: Ғылым

Ол - адамзаттың тарихи-әлеуметтік аядағы даму эволюциясын танып-білу үшін, рухани жеттігіуіміздің тегін тектеу үшін, сонсоң туған жер төсіндегі саналы тіршілік сабақтастығын бажайлау үшін қажет дер едік. Сөз жоқ, муның қай-қайсысының да мәні айрықша. Өйткені, үңгірдің бейнелеу өнері былай тұрсын, археологиялық тас шапқы табылған жерде саналы тіршілік туралы, адам шығармашылық туралы сөз қозғауға болады. Демек, үңгірдің тас қараңғы түкпіріндегі бейнелі суреттен бастап, ең карапайым тас құралға дейін алғашқы адамдардың күн көріс тырбанысы, еңбек әрекеті туралы ғана емес, олардың ұғым-түсінігі, шығармашылық өресі туралы да көшелі ой өрбітуге дес береді екен. Жануарлар әлемінен адамдардың саналы еңбек- әрекеті бөлініп шыққан жерден бастап олардың шығармашылық-рухани өмірбаяны басталады. Ол өмір-баяннан бүгінгі, болашақ ұрпақ бас тарта алмайды. Танымның, тарихи диалектиканың бұлтартпас талабы осындай. Сондықтан да, біз желі етіп отырған рухани сабақтастыққа, ұрпақтар сабақтастыұына қатысты әңгіме үңгірлер шежіресіне тізгін тартқызбай қоймақ емес.

  Жарияланған-2016-04-20 14:38:48     Қаралды-2408