БАДАМ ҚАНТ
Категориясы: Тағам
Тазартылған тұтас бадамнан тұратын, сырты балқыған қантпен қапталған тағам. Беті бұжыр, түсі қоңыр болады.
Бөгде қоспаларынан тазартылған бадам қант шырынына салып қайнатылады. Қант бадамның сыртына кристалданып жұғады, сондықтан қазанға ауық-ауық аз-аздан қайтадан қант салып отыру керек. 20-25 минуттан соң бадам қазаннан алынып, рецепт бойынша қалған қантпен аздаған су құйылады. Содан соң бадам қайтадан қазанға салынады. Сонда ол екінші рет балқыған қантқа оралады. Мұндай процесс кезінде бадамның массасы шамамен екі есе ауырлайды. Бұл тағам да қаңылтыр қораптарға салынады.
Қант қосып қуырылған жаңғақ та, қант қосып қуырылған жер жаңғақ та, қант қосып қуырылған өрік дәні де осы жолмен дайындалады. Оларда тек бадам ғана тиісті жемістің қажетті мөлшерімен алмастырылады.
Бұл тағамның бір килограмына 527,6 грамм қант, 527,6 грамм бадам, майлау үшін 3,96 грамм сарымай, 0,11 грамм ванилин жұмсалады.
Бадам-қанттың бір килограмында кемінде 550 данасы болады. Ылғалдылығы - 5 процент, қорапқа салғандағы массасы - 1,5 килограмм, ең ұзақ сақталатын мерзімі - 15 күн.
Жарияланған-2016-02-23 14:36:04 Қаралды-2184
ТЕРІ МЕН БЫЛҒАРЫДАН ТІГІЛГЕН КИІМДЕР КҮТІМІ
Қандай киім болса да оның ажары таймай, қалы бұзылмай сақталуы киюшісіне байланысты.
РАДИОАКТИВТІ ЗАҚЫМ
Радиоактивті зақым дролық жарылыс бұлтынан радиоактивті заттардың жерге түсуі немесе АЭС апаты кезінде атмосфераға шығарылуы нәтижесінде жердің, су мен ауаның зақымдануы.
ЧЖАН ЦЯНЬ
Орта Азия мен Қазақстан жеріндегі ру-тайпалық одақтар мен ертедегі мемлекеттердің әлеуметтік-саяси құрылымы, олардың өзара және Орталық Азиядағы көне иелектермен байланысы жөніндегі алғашқы деректерді бізге Чжан Цянь жеткізді.
