ЖАМБЫЛ ЖАБАЕВ (1846 -1945)

ЖАМБЫЛ ЖАБАЕВ (1846 -1945)

Категориясы: Адамдар


  Жариялаған   2015-11-24 20:54:31


«XX ғасырдың Гомері» атанған жыр алыбы Жамбыл 1846 жылы Жамбыл тауының етегінде дүниеге келген. Жасында арнайы мектептен білім ала алмаған. Бірақ көңілі зерек, көкірегі ояу дарынды бала білім дариясынан терең сусындап өскен. Он төрт жасынан өлең айтып, жыр додасына түскен. «Жетісу акындарының алтын діңгегі» болған атақты Сүйінбай ақыннан он бес жасында бата алған. Ел ішіндегі әділетсіздік пен келеңсіздіктерді өлеңге қосып, халық кұрметіне бөленген.

Қабырғасы қатая келе, айтыстарға катысып, Айкүміс, Бақтыбай, Досмағамбет, Шашубай, Құлмамбет сияқты ірі айтыс ақындарын жеңіп, Жетісу өңіріне атағы шыққан. Оның даңқы қазақ арасында ғана емес, көршілес кырғыз еліне де танымал болған. Жетісу, Қаратау, Сыр бойы мен қырғыз елін аралап, өнер көрсетіп, өзі де өнеге үйренген.

Жамбыл адамгершілік пен ақиқаттың, батырлық пен ерліктің туын биік ұстап, жырға қосқан.