UF

КАМЧАТКА

Категориясы: Саясат


КАМЧАТКА - Азияның солтүстік-шығыс бөлігіндегі түбек, Ресей жерінде. Батысы - Охота теңізі, шығысы - Тынық мұхит және Беринг теңізі. Солтүстік және солтүстік-шығыстан оңтүстік және оңтүстік- шығысқа қарай 1200 км-ге созылған. Ені 450 км2, ауданы 370 мың км2. Материкпен Параполь колаты (ені 100 км) арқылы жалғасқан. Түбектің жағалары (әсіресе шығыс жағы) қатты тілімделген. Батыс бөлігін Батыс Камчатка ойпаты, ортасын Ортаңғы жота (биіктігі 3621 м) және Орталық Камчатка ойпаты (теңіз деңгейінен 100-200 м), шығыс жағын Шығыс жота алып жатыр. Камчатка ойпаты шетінде Ключи тобы вулкандары бар, дүние жүзіндегі аса биік, әрекетті вулкандардың бірі - Ключи Шоқысы (4750 м) осында. Камчатканың оңтүстік-шығысы жағалауында Шығыс вулкандық үстірт (биіктігі 600-1000 м) орналасқан, онда сөнген және әрекетті вулкандардың конустары - Кроноцкая (3528 м), Коряк (3456 м), Авача (2741 м) шоқылары т. б. бар. Камчаткадағы вулкандардың жалпы саны 160-тан астам, оның 28-і әрекетті. Түбек докембрийдің метаморфтық тақта тасынан, гнейсінен, кварцитінен, палеозойдың терригендік және вулканогендік жыныстарынан, бор мен палеогеннің сазды тақта тасынан, әр түрлі құрамды лавасынан, антропогеннің андезит, базальт, линарит лавасынан түзілген. Пайдалы қазындылары: кемір (барлық турлері), алтын, күміс, табиғи таза күкірт, құрылыс материалдар. Көптеген минералды және термальды сулар (температурасы 100°С-тан жоғары), бұлақтары бар. Климаты теңіздік муссондық. Қаңтардың орташа температурасы – 11-15°С, тамызда 12°, 16°С. Жауын-шашынның жылдық мөлшері 600-1100 мм. Тауларының неғұрлым биік бөлігінде мұздықтар жатады. Мұзданудың жалпы ауданы 866 км2. Ірі өзендері - Камчатка, Авача, Үлкен өзен, Ича, Тигиль. Көлдері көп, олардың біразы (Кроноцкое, Куриль т. б.) вулкан кратерлерінде пайда болған. Камчатка жері құнарлы шым-күлгін топырақты және шымтезек аралас батпақ, шалғынды аллювиал топырақты (топырағының барлық түрлерінде вулкан күлі қоспалары бар). Камчатканың солтүстік бөлігі мен батыс жағалауы ғана ормансыз мүкті тундра, қалған жерлерінің өсімдік жамылғысы бай, орманды (май қарағай, қайың, самырсын т.б.) келеді. 1000 м-ден жоғарыда альпі шалғыны мен тау тундрасы. Бұлғын, түлкі, аю, қасқыр, камшат, арыс, қоян, ақ түлкі, жабайы солтүстік бұғысы, итбалық (батыс жағалауында) т.б. жануарлар, самырсын құс, ақ кекілік т. б. құстар кездеседі. Балық және аң аулау кәсібі, бұғы шаруашылығы, ағаш дайындау өндірісі дамыған.

  Жарияланған-2019-09-05 14:33:35     Қаралды-1946

Мәлімет сізге көмек берді ма

СҮҢГУІР ҚАЙЫҚТЫҢ ІШІНДЕ НЕ БАР?

...

Суға кез келген әйнек сынығын тастап көр - ол су түбіне шым батып жоғалады.

ТОЛЫҒЫРАҚ »

ДЕНЕҢ САУ БОЛСЫН ДЕСЕҢ...

...

Үйге таза ауа молынан кірсін, күннің сәулесі (шуағы) кіріп тұрсын. Сау болу үшін таза ауа, күннің шуағы өте керек екенін ұмытпа.

ТОЛЫҒЫРАҚ »

Миллионерлер Финляндияда қандай айыпұлдарды төлейді

...

Финляндия тағындаған ЖҚЕ бұзуға айыпұлдар тағылмаған белдік үшін немесе дұрыс тұрақтамағаны үшін 35 еуродан басталады және жылдамдықты асырғаны үшін жүздеген мың еуроға дейін барады.

ТОЛЫҒЫРАҚ »

ЖҮЗІМ ҚОСЫЛЫП КҮРІШ САЛЫНҒАН АЛМА

...

Жуылған алманың өзегі арнаулы аспаппен тазаланып, оған фарш толтырылады да духовкаға қойып пісіріледі.

ТОЛЫҒЫРАҚ »

ҚАРАҚАТ ЖИДЕКТЕН ӘР ТҮРЛІ ТАҒАМДАР ЖАСАУ

...

Қарақаттың жидегінде, буршігінде, жапырағында, гүлінде С, В1, Р витаминдері және А витамині (каротин) көп болады. Сонымен қатар жидегінде қант, лимон, алма қышқылдары, илік заты және бояу бар, бүршігінде және жапырағында эфир майы болады.

ТОЛЫҒЫРАҚ »

СПЕЛЕОЛОГИЯ ТУРАЛЫ НЕ БІЛЕМІЗ?

...

Спелеология - үңгір тану. Үңгірлер туралы ілім. Бұл - дәл осы мағанасында бүгінгі ғылым тіліне орныққан ұғым. Орныққанды айтамыз-ау, спелеологияның өзі сала-сала болып, небір ғылыми пайымдауларға өріс ашып беріп отыр.

ТОЛЫҒЫРАҚ »