UF

БАДАНА - ҚАНТ ДИАБЕТІН ЕМДЕЙДІ

Категориясы: Өсімдікті


 

БАДАНА – ФАСОЛЬ ОБЫКНОВЕННАЯ

Бұл – биіктігі 60 сантиметрге дейін жететін, көпшілікке белгілі бір жылдық, шөп тектес өсімдік. Жапырақтары кезектесіп орналасқан, сағақтары ұзын, ұштары сұйір, үш-үштен қосақталып тұрады. Гүлдері сирек, масақша жасап шоғырланған. Гүл тостағаншасының бес қалақшасы бар, олар өзара жабысып, екі ерінді қысқа түтікше құрайды. Гүл тәжі ақ, кейде ашық қызыл түсті, гүл жапырақшалары бесеу. Жемісі – ұзынша келген, буылтығы бар ірі бұршақ. Мәдени өсімдік ретінде қолдан егіледі. Дәрілік мақсат үшін өсімдіктің жемісін тұқымынан ажыратып алып пайдаланады. Құрамында аргинин, аспарагин, фазеолин, кремний қышқылы, глобулин бар.

Бадана жемісінің сыртындағы қауызының қанның құрамындағы қантты азайтатын, несеп айдайтын қасиеттері бар. Осыған байланысты қант ауруын емдеу үшін және бүйректің, қуықтың қабынуына қарсы әсер ететін дәрі ретінде қолданылады. Бұл өсімдіктен жасалған дәрі бүйрекке және қуыққа тас байланғанда, қан қысымы көтерілгенде, сонымен қатар ревматизмді, подаграны, шонданай нервінің қабынуын (радикулитті) емдеу үшін де пайдаланылады.


Дәріні дайындау және қолдану тәсілі. Жемістері қауызының 15 грамын қайнап тұрған 1 стакан суға салып 30 минут тұндырады да, 2 ас қасықтан күніне 3 рет ішеді. Қант диабеті ауруын мынадай қоспа жасап емдесе, дәрінің тиімділігі арта түседі: бадана қауызының, қаражидек жапырағының, сұлы сабанының әрқайсысынан екі бөліктеп алып, оған зығыр тұқымының 1 бөлігін қосып араластырады. Осы қоспаның 3 ас қасығын 3 стакан қайнап тұрған суға салып жарты сағат тұндырады да, үш ас қасықтан күніне 3 рет ішеді.

Ұйқы безі қабынғанда бадананың қауызын, қаражидектің жапырақтарын теңдей етіп алып, осы қоспаның 1 ас қасығын қайнап тұрған суға салып жарты сағат тұндырады да, 2 ас қасықтан күніне 3 рет ішеді.

  Жарияланған-2016-07-13 15:04:19     Қаралды-2223

Мәлімет сізге көмек берді ма

ШЕМАХЛИН МҰТТАҚЫСЫ

...

Ішіне тәтті заттар салып, ашытқы қосылған тоқаш қамырынан жасалған тағам осылай деп аталады.

ТОЛЫҒЫРАҚ »

ҚАРА ТЕҢІЗДІҢ СУЫ ШЫНЫНДА ДА, ҚАРА МА?

...

Кез келген ертегі немесе ән атаулыда теңіз кездессе, міндетті түрде - «көк теңіз» болып келетіні өзіңе мәлім болар.

ТОЛЫҒЫРАҚ »

ЦУКЕРЛЕКАХ ПЕЧЕНЬЕСІ

...

Бұл бөлке жасалатын қамырдан пісірілген дөңгелек қуырма.

ТОЛЫҒЫРАҚ »

СУҒА ШЫҚҚАН МАҢЫЗЫ - 30 ТҮРЛІ ҚАРАПАЙЫМ ИНГРЕДИЕНТТІ СОРПАЛАР

...

Сорпа - ас қорыту органдарының жұмысын жақсартатын, адамның тәбетін ашып, тіпті бойын сергітетін тағам.

ТОЛЫҒЫРАҚ »

Кактус – мексикандықтардың ең сүйікті жеңсігі

...

Егер үшкір тікендерін алып тастасаңыз кактусты жеуге болады. Оны қуырады, пісіреді, қатырады, шикілей жейді. Тікенді алмұрттардың дәмі керемет. Өсімдікте көп витаминдер мен минералдар бар.

ТОЛЫҒЫРАҚ »

ЭРЕБУНИ

...

Бұл - ішіне дәм қабық пен ванилин салынып қабатталған қамырдан жасалатын шығыстың жаңадан шығарылған тәтті тағамы.

ТОЛЫҒЫРАҚ »