ЖАҢҒАҚ ЖӘНЕ ЖҮЗІМ ҚОСЫЛҒАН КЕКС
Категориясы: Тағам
Сарымай қант ұлпасымен қосып шайқалып, бірінен соң бірі: жұмыртқа сары уызы, сүт, ірі-ірі жаңғақ дәндері, жүзім, ванилин қосылады. Бұл кезде қоспа ұдайы араластырылып отырады. Ең соңында әбден көбік атқанша шайқалған белок пен құймақ жасайтын ұн қосылады. Алынған масса алдын-ала май жағылған кекске арналған формаға салып пісіріледі. Салқындатылғаннан кейін кекстің үстіне арнайы ақ түсті масса жағылып жылтыратылады.
Жылтырату үшін мынадай масса жасалады: бір белок қант ұлпасымен қосып әбден шайқалады, ол әбден көбіктенген соң оған бір лимонның шырыны қосылып қою тартқанша шайқала береді. Содан кейін масса кекстің үстіне құйылып, біркелкі етіп жайылады. Ол қатқан соң кекс кішкентай-кішкентайдан тілінеді.
Бұл тағамды жасауға 100 грамм сарымай, 200 грамм қант ұлпасы, 100 грамм сүт, 150 грамм жаңғақ, 50 грамм жүзім, 290 грамм ұн, дәміне қарай ванилин және үш жұмыртқа жұмсалады.
Жарияланған-2016-03-04 15:54:25 Қаралды-2653
ҰЛЫ ҚЫТАЙ ҚОРҒАНЫ НЕМЕН ӘЙГІЛІ?
Әлемнің бұл кереметін еуропалықтар «Ұлы Қытай қорғаны» деп атаса, қытайлардың өзі «10 мың ли қабырғасы» дегенді білдіреді.
ҚАЙМАҚ ТҰЗДЫҒЫНА ПІСІРІЛГЕН АЙВА
Жуып тазартылған және ірі етіп, қиықшалап кесілген айва жұмсарғанша қайнатылады. Тағам дайындаудан бірнеше күн бұрын апельсин қабықтары салқын суға салынып қойылады.
ТЕЙГЛАХ
Бұл - қантқа салып қуырған жаңғақтарға ұқсайтын, домалақтап пісіріліп қант пен балға салып қуырылған ұннан жасалатын тағам.
УҚОРҒАСЫН – НЕВРАЛГИЯНЫ ЕМДЕЙДІ
Қазақстанда біріне-бірі өте ұқсас Жоңғар уқорғасыны мен Қарақол уқорғасыны өседі.