ШЕКЕР-ПУРИ

Категориясы: Тағам

---

Тоқаш қамырынан жасалатын құырма сияқты тағам осылай аталады.

Қамыр мынадай жолмен иленеді: сарымай микс-машинада езгіленеді де содан соң сол машинада қант ұлпасымен араластырылып, жеңіл жұғатын дәрежеге жеткенше иленеді. Ол массаға сүт, жұмыртқа, көмірқышқыл аммоний, ванилин және ұн сияқты шикізаттар бірінен соң бірі қосылады да, қоспа мұқият араластырылып иленеді. Иленген қамырдың температурасы 20-21 градус, ылғалдылығы – 21-23 процент болу керек.

Иленіп болған қамыр әрбір бөлігінің салмағы 3-4 килограмм болатындай етіліп бөлінеді. Езгілеп илеп, жанышатын машинада қалыңдығы 4-5 миллиметр етіліп жайылады. Содан соң құрғақ сүртілген табақтарға салынады да арнайы формаға келтіретін құралмен өңделеді.

Қамыр температурасы 200-230 градус пешке қойылып 10-12 минут бойы пісіріледі.

Салқындаған соң құырма қағаз төселген астаушаларға салынады да, үстіне қант ұлпасы себіледі.

Бір килограмм шекер-пури жасауға 568,4 грамм жоғары сортты үн, 227,4 грамм сарымай, 227,4 грамм қант ұлпасы, үстіне себілетін 28,4 грамм қант ұлпасы, 113,7 грамм қаймағы алынбаған сүт, 227 грамм жұмыртқа, 2,3 грамм көмір-қышқыл аммоний және 0,17 грамм ванилин жұмсалады.

Бұл тағамның түсі крем түстес, жарты ай формалы, үстіне қант ұлпасы себілген болуы керек. Сынғыш, бірақ үгілмеуге тиіс. Ылғалдылығы 8 проценттей. Бір килограмында кемінде 80 данасы болуы қажет.

  Жарияланған-2016-03-01 17:05:38     Қаралды-2202

Мәлімет сізге көмек берді ма