UF

БАДАМ-НОХУТ

Категориясы: Тағам


Бұл - алма және өрік пюресін қайнатып, крахмалға құлпынай формалы етіп салынған және бадамның ұсақтап туралған массасына аунатып алынған тағам.

Дайын тағамның сыртына жабыстырылатын бадам жақсылап тазартылады. Одан бүлінген дәндер мен бөгде қоспалар алынып тасталады. Қайнаған сумен үш рет шарпиды, соңғы рет шарпығанда оны қайнаған суда 5-7 минут бойы ұстайды. Содан соң суы төгіліп, бадамның қабығы аршылады.

Тазартылған бадамды температурасы 140-150 градус пешке қойып 5-7 минут бойы кептіреді. Содан кейін пештен алып, салқындатылады да пышағы бар оқтаумен мөлшері 2-3 миллиметр болатындай етіп бөлінеді.

Картоп крахмалы температураны 35-40 градусқа жеткізіп, 25-30 минут бойы кептіріледі.

Жартылай фабрикат дайындау үшін мыс қазанға өрік, алма пюресін және құм шекер салынады. Масса үздіксіз араластырыла отырып, 1,0-1,5 сағат бойы қайнатылады. Қайнап болды-ау деген кезде сірне қосылады.

Қайната бастағанда температура 100-105 градус, ал қайнап болды-ау деген кезде 105-110 градус, қайнатылған массаның ылғалдылығы – 12-14 процент болуы керек.

Ауасы сиретілген жағдайда қайнатылатын болса, бұл процесс едәуір қысқарады.

Дайын болған соң оттан алынған массаға алдын ала суға 1:2 қатынаста езілген лимон қышқылы, өрік эссенциясы қосылып, мұқият араластырылады.

Жартылай фабрикат алу үшін алдымен оған форма берілетін материал әзірленеді. Ағаш астаушаға немесе столдың үстіне кептірілген картоп крахмалы төгіліп, сыртына бірдей қашықтықта бедерлеп құлпынай, таңқурай т. с. с. салынған оқтаумен крахмалдың бетіне бедер түсіріледі. Сол ойыс бедерлерге ұшы кесілген конус тәрізді воронкамен жеміс массасы салынады. Өрік және алма пюресінің сілікпе сияқты созылатын қасиетіне байланысты қайнатылған масса тығыз құйылады.

Салынғаннан кейін, 20-25 минуттан соң тағам қатаяды да крахмалдан оңай алынады. Крахмалдан алынған тағам металл торы бар елекке салынады да крахмалынан еленіп, тазартылады. Оның бетінде қалған крахмалды салқын сумен екі қайтара жуып арылтады. Содан соң олар астаушаларға салынып, температураны 30-35 градусқа жеткізіп 30-40 минут бойы кептіріледі. Өйткені крахмалын жуғаннан кейін тағамның беті су болып, жабысқыш келеді. Бұдан кейін тағам жармаланған бадам дәніне аунатылады.

Бір килограмм бадам-нохут жасау үшін 56,2 грамм алма пюресі, 393,7 грамм өрік пюресі, 674,8 грамм құм шекер, 3,37 грамм сірне, 2,8 грамм лимон қышқылы, 196,8 грамм бадам дәні және 2,2 грамм өрік эссенциясы жұмсалады.

Дайын өнімнің формасы құлпынай сияқты болады. Дәмі мен түсі қант қосып қайнатылған өрік пюресінің дәмі мен түсіндей, аздап бадамның дәмі білінетіні бар. Қоюлығы сілікпе тәрізді аздап созылып тұрады. Ылғалдылығы – 10-12 процент. Бір килограмында – 100-105 кәмпит болады.

Дайын тағам ағаш жәшіктерге дұрыстап қатарластырып салынады. Жәшіктің түбіне және тағамның әрбір қабатының арасына қағаз төселеді.

  Жарияланған-2016-02-29 19:18:48     Қаралды-1126

Мәлімет сізге көмек берді ма

АСПАНДА ҚАНША ЖҰЛДЫЗ БАР?

...

Күн - біздің космостық үйіміздегі әрі жалғыз, әрі ең жақын жұлдыз.

ТОЛЫҒЫРАҚ »

СҮТ ШӘРБЕТІ

...

Фундук жаңғағының дәндері қосылған кілегей помадасынан жасалған қалақша түріндегі тағам осылай аталады. Сүт помадасын әзірлеу әдісі қарапайым. Ол құмшекер мен сүттен пісіріледі. Шырынның қоңыр тартып кетпеуі үшін қайнап бітуіне 10-15 минут қалғанда сірне

ТОЛЫҒЫРАҚ »

БАЯНАУЫЛ ТАС МҮСІНДЕРІ

...

Сарыарқаның солтүстік-шығысында орналасқан Баянауыл тауларының табиғаты өте көрікті. Ең биік жері 1046 м болатын (Ақбет тауы) тау жан-жаққа 1-20 шақырымға созылып жатыр. Орталық тұсында орналасқан тау шоғырлары - Жасыбай, Жанбақы, Торайғыр, Жаманаула бірт

ТОЛЫҒЫРАҚ »

ТЕННИС СПОРТ ТАРИХЫНАН

...

Теннис спортының негізгі екі турі бар: үлкен және стол теннисі.

ТОЛЫҒЫРАҚ »

СҮҢГУІР ҚАЙЫҚТЫҢ ІШІНДЕ НЕ БАР?

...

Суға кез келген әйнек сынығын тастап көр - ол су түбіне шым батып жоғалады.

ТОЛЫҒЫРАҚ »

ЖАЗДЫГҮНІ ШҰБАР, АЛ ҚЫСҚА ҚАРАЙ АППАҚ

...

Аңдардың бірі жауынан ағаш қуысына, екіншісі қар астына, үшінші біреулері індеріне жасырынып құтылады.

ТОЛЫҒЫРАҚ »