ПАШМАҚ
Категориясы: Тағам
Бұл - әбден қайнатылған карамель массасынан жіп-жіңішке жіп сияқты етіп созылып жасалған, бір-бірінен оңай ажырайтын тағам. Түсі - ақ.
Карамель массасын қайнатпастан бұрын арнайы, майы деп аталатын массаны дайындап алу ұсынылады. Ол сарымай мен ұннан жасалады. Қазанға сарымай салынып қайнағанша қыздырылады да ұн себіліп, ұдайы араластырылып отырылады. Масса ылғалы әбден кеткенше, шамамен 15-20 минут қайнатылады. Түбі күйіп кетпес үшін оны үнемі араластырып отырған дұрыс. Пісірілген масса ылғалдылығы 3,5-4 проценттен аспауы тиіс.
Дайындалған май температурасы 70-80 градус кезінде (салқындап қалған болса, қыздырып) пайдаланылады.
Карамель массасы сірнесіз әзірленеді. Қайнатудың ортасында қосылатын сірке эссенциясының әсерінен қант ішінара инверсияға ұшырап (ажырап) отыратын болғандықтан, сөйтіп инвертті қант түзілетіндіктен карамель массасы қантқа айналмайды. Азғана суға қант (құмшекер) ерітіліп, 10 минут қайнатылады да содан соң сірке эссенциясы қосылады, ол масса тағы да 10-12 минут қайнатылады. Одан әрі ылғалдылығы 1,5-1,7 процент карамель алынғанша қайнатыла береді. Бастап қайнатқанда температура 100-105 градус, соңында 135-145 градус болуы керек.
Дайын болған карамель массасын арнайы столға жайып, 80-90 градусқа дейін салқындатылады, машинамен немесе қолмен ақ жібектей «жіп» болғанша созылады. «Жіптер» бір-бірімен жабысып қалмас үшін ұн қосылған май жағылады. Оларды бөліп-бөліп сілкеді. Сонда жіптей тартылмай қалған карамель массасы болмауы тиіс.
Бөлінген жіптер жалпақ қаңылтыр қораптарға (мөлшері 350х200х70 мм) салынады. Олардың қақпақтары тығыз жабылуы керек. Қораптарға салынған дайын өнімнің бетін ауыр да тегіс затпен басып тегістеп, қақпағы жабылады да, ішіне ауа кірмейтіндей етіп қағазбен желімдеп тасталады. Қорапқа 1 килограмм пашмақ кетеді.
Бір килограмм пашмаққа 916,0 грамм қант, 2,9 грамм сірке эссенциясы, 66 грамм сарымай, 66 грамм жоғары сортты бидай ұны жұмсалады.
Пашмақтың ылғалдылығы 2,5 процент, массасы - 1 килограмм, ең ұзақ сақталатын мерзімі - 15 күн.
Жарияланған-2016-02-22 18:40:17 Қаралды-1514
ЖАЙЫҚ ӨҢІРІ
Еліміздің солтүстік-батысындағы екі өзен аралығын алып жатқан аймақты қазақтар ежелден Еділ-Жайық өлкесі деп атап келген. Мұнда Жайық өзенінің орта ағысынан бастап Каспий теңізіне құяр сағасына дейінгі телімі ел аумағында ағады. Жайық өзенінің ел аумағынд
ӨШІРГІШ НЕЛІКТЕН ӨШІРЕДІ?
Алдына қағаз жайып, қолына қарындашты алса болғаны, көп кешікпей-ақ бір тамаша сурет дайын тұрады.
АХМЕТ ХАН
Таһир ханнан кейін елдің бірлігі, хандықтың тұтастығы бұзылып, 1533-1538 жылдар аралығында елде бір мезгілде бірнеше хан болған. Сондай ханның бірі - Ахмет хан. Ахметтің толык аты-жөні - Қожа Ахмет. Жәнібек ханның немерелерінің бірі болып саналады.
ТӨРТ ТҮЛІГІМІЗ ТҮГЕЛ БОЛСА
Қазақ халқы қолда өсірілетін түйе, сиыр, жылқы және қой-ешкіні төрт түлік мал деп атайды. Әр түліктің өзіндік орны бар, әрқайсысын шақыруға арналған одағай сөздер де түрлі-түрлі болып келеді.
ДӘСТҮРЛІ ТӘТТІ ТАҒАМДАР
Табаға 3-4 сантиметр қалыңдықта ұн салынады да, духовкаға немесе газ плитасына қойылып, шала қуырылады.
ТҰРЫМТАЙ
Сұңқар тұқымдасына жататын жыртқыш құстардың бірі - тұрымтай. Қазақ құсбегілері тез көндіккіштігі үшін көбінесе ұядан алып, баулып, баптайтын болған. Көгершіннен сәл-ақ үлкен, шағын құс. Тұрымтайдың бітімі сұлу, көзі мөлдір болып келеді.