БАЛЫҚШЫ ТҰЙҒЫН

Категориясы: Жануарлар

Балықшы тұйғын - қарағайлы орманның қарақшысы атанған батыл әрі жыртқыш құс. Ұясын биік кәрі ағаштың бұтақтарының діңге жақын жеріне салады. Сондықтан оны табу өте қиын. Ұясының ішіне жіңішке бұтақтарды төсейді. 2-4 жұмыртқадан шыққан қызылшақа балапандары өте мешкей келеді. Тіпті ашыққан кезде күштілері әлсізін жеп те қоятын көрінеді.

Тұйғын орманда да, далада да «ажал» боп тиеді. Ағаш бұталары арасынан көз ілеспейтін жылдамдықпен ұшып келіп, жайбарақат жүргендерді төсімен бүре түседі. Ең ірі құс - меңіреу құр мен дуадақ та бұдан кұтыла алмайды. Тіпті балықтарды да өте шеберлікпен аулайды. Алайда салмағы 4 кг-нан асатын ірі балықтар тырнағымен мықтап шаншылған тұйғынның өзін су астына тартып кетеді екен.

  Жарияланған-2015-11-25 22:51:30     Қаралды-5373