ШЫРҒАНАҚ – АСҚАЗАН АУРУЛАРЫНА ЕМ
Категориясы: Өсімдікті
ШЫРҒАНАҚ – ОБЛЕПИХА КРУШИНОВИДНАЯ
Шырғанақ – биіктігі 5 метрге жететін, өткір тікенекті, бұталы өсімдік. Қабығы көбінесе қара түсті болып келеді. Жапырақтары ұзынша келген, жіңішке, ұзындығы 8 сантиметр, ені 1 сантиметр, сағақтары қысқа. Өсімдік қос үйлі болып есептеледі. Аталық гүлдері бір бұтақта, аналық гүлдері екінші бұтақта болады. Гүлдері майда, сары түсті, гүл сабақтары қысқа. Аналық гүлдері бұталардың қуысында шоғырланса, аталық гүлдері кіші-гірім масақша тәрізді. Дөңгелек, сырты етті, иісі сүйкімді, қызыл сүйекті жемісі болады. Сәуір-мамыр айларында гүлдейді. Шырғанақ өзендердің жағаларында, ылғалды шабындықтарда, батпақтардың айналасында, тау етектерінде өседі. Дәрі жасау үшін шырғанақтың жемісін пайдаланады. Құрамында орта есеппен 45 процент аскорбин қышқылы, алма қышқылы, каротин, май, ксантофилл, квердетин, Е, В1, В2, Р витаминдері бар.
Өсімдіктің жемісінен шырғанақ майы (облепиховое масло) деген дәрі алынады. Бұл дәрі ғылыми медицинада өте жоғары бағаланады. Әсіресе радиоактивті сәулелердің әсерінен пайда болған терідегі жараларды емдеуде шипалық қасиеті аса күшті. Әйелдердің көптеген ауруларын осы шырғанақ майымен емдейді. Асқазанда және ұлтабарда жара пайда болғанда да осы дәрімен емдеу арқылы жақсы нәтижелерге қол жетіп жүр. Халық арасында шырғанақ жемісінің сулы тұнбасымен асқазан ауруларын емдейді. Ревматизмді емдеу үшін шырғанақтың жемісін жапырағымен қосып қайнап тұрған суға салып, сулы тұнбасын пайдаланады. Шырғанақ жемісінің 45 бөлігін, қанттың 55 белігін алып араластырса, қыста өте жақсы сақталады.
Жарияланған-2016-07-15 16:42:02 Қаралды-13142
ҰЛЫ ФИЛОСОФ ПИФАГОР
Атақты ежелгі грек философы және математигі Самос Пифагор туралы қысқа қызықты деректер жиналған.
ХАЛЫҚТЫҚ АЗАМАТТЫҚ ҚОРҒАНЫСЫ
Халықтық азаматтық қорғанысы - бейбіт уақытта және соғыс кезінде еліміздін, халқы мен халық шаруашылығын дұшпанның жаппай зақымдаушы және басқа шабуыл жасау қаруларынан қорғау үшін, соңдай-ақ зақым ошақтарында, апатты су тасқыны аймақтарында, стихиялық ап
КӨРКЕМ СУРЕТТЕ ЖАРЫҚ ПЕН КӨЛЕҢКЕ
Мынау Рембрандтың «Әулие әулет» атты картинасының көшірмесі. Жартылай қараңғы шағын бөлме. Сол жақта төбеде әлде бір мүйістен күн көзінің сәулесі түсіп тұр. Ол жас әйелдің беті мен құндақтағы сәбиге шашырапты.
ТАСШҮЙГІН – ЖҮРЕК ҚАТТЫ СОҚҚАНДА ЕМ ҮШІН ПАЙДАЛАНАДЫ
Тасшүйгін – биіктігі жарты метрге дейін жететін, көп жылдық, шөп тектес өсімдік.
СҮЙЕКТЕН ЖАСАЛҒАН ҚАНДАЙ БҰЙЫМДАР БОЛАДЫ?
Мал шаруашылығымен, аңшылықпен айналысқан қазақ халқы жануарлардын сүйектерін де түрлі қажеттеріне жарата білген. Қазақ шеберлері үй жиһаздарын, саз аспаптарын, т.б. әзірлегенде оларды әшекейлеп безендіру үшін мүйіз бен сүйекті кеңінен пайдаланған.