КӨРКЕМ СУРЕТТЕ ЭСКИЗ
Категориясы: Өнер
А.Иванов (1806-1858 жж.). "Христың халыққа көрінуі"
Біз бұрын суретші болашақ шығармасына керек кейбір нәрселердің тездетіп сырт нобайын түсіріп алатынын білетінбіз. Ондай суреттер әлгіндей нәрсені көріп тұрып, көз бе көз салынатын. Ал эскиз де болашақ суреттің түпкілікті өзі емес, тек нобайы болғанымен, ол әлгіндей емес, мейлінше тыңғылықты еңбектің жемісі. Онда суретші өзі ойға алған шығарманың не тұтас композициясын, не белгілі бір бөлшегі мен басты кейіпкерлерін екжей-текжейлеп көрсетуге тырысады.
Эскиздің қарындашпен де, майлы бояумен салынуы да мүмкін.
Сендер төменде тамаша орыс суретшісі А. Ивановтың жиырма жыл еңбек етіп салған әйгілі «Христостың халыққа келуі» атты шығармасын көріп отырсыңдар. Бұл шығармасын түпкілікті бітірмес бұрын суретші әуелі майлы бояумен бес рет эскиз жасаған. Олар бір-біріне ұқсамайды. Өйткені суретші өз ойын мейлінше дәл, мейлінше әсерлі жеткізетін композиция табылғанша, әлгі эскиздердің ешқайсысын да місе тұтпаған.
А. Ивановтың әр эскизі өз алдына бір дербес шығармадай әсер қалдырады.
Каменева Е. Кемпірқосақтың түсі қандай? -Алматы: Өнер, 1981. -168 б.
Жарияланған-2016-11-17 14:04:44 Қаралды-4186
ТОҒЫМ ХАН
Тоғым хан да - Жәнібек ханның ұрпағы. Жәнібектің тоғызыншы ұлы Жәдік сұлтанның баласы. Тоғым хан елдің орталығында, оңтүстігінде билік кұрады. Сырдария өзені бойындағы қалалар Тоғым ханға қарайды.
ЦУКАТ ҚОСЫЛҒАН ШӘРБӘТ
Цукат қосылған помада-кәмпит массасы осылай аталады. Төрт бұрышты. Салмағы 4 килограмнан аспайды. Ылғалдылығы – 10-13 процент.
СУРЕТШІЛЕР ФОН ҚАЛАЙ ПАЙДАЛАНАДЫ?
Шығарма мейлі тарихи тақырыпқа арналсын, мейлі жәй әншейін тұрмыс көрінісіне арналсын, онда бейнелейтін оқиға не қалада, көшеде, не үй ішінде, не табиғат ортасында, әйтеуір бір нақты аяда өтетіні белгілі.
«ҰЛЫ ЖІБЕК ЖОЛЫ» ДЕГЕНІМІЗ НЕ?
Қытайды Батыстан Орта Азия таулары мен шөлдер ұзақ уақыт бөліп тұрған.
ДӘРІЛІК САБЫНШӨП (ЖЕР САБЫН)
Дәрілік сабыншөп - биіктігі 80 сантиметрге дейін жететін, көп жылдық, шөп тектес өсімдік.