ФРИЗБЕН НЕ БЕЗЕНДІРЕДІ?
Категориясы: Өнер
Брюсель қ. Өнер академиясының фриз.
Афина Акропольдегі әйгілі грек ғимараты Парфенон скульптуралық фризбен безендірілген. Үйдің ішкі не сыртқы қабырғасының мүсіндермен не бояумен салынған өрнектермен әшекейленген жоғарғы жаң жиегі, әдетте, осылай аталады.
Фидий. Парфенон фризінен деталь. Б.э.д. V ғ.
Парфенон маңдайшасындағы фризге көп шебер еңбек сіңірген. Бірақ олардың ішіндегі ең бастысы - Акрополь үшін Афин тәңірінің екі мүсінін жасаған ұлы грек мүсіншісі Фидий болып табылады.
Ұзынынан 160 метрге созылған бұл фриз барельеф әдісімен істелген. Ол Африкада жылына Афина тәңірісінің құрметіне жасалатын панафиней шеруін көрсетеді. Онда 350 адам тұлғасы және 250 хайуанат бейнеленген. Найза ұстаған жауынгерлер мен ауыздықтарымен алысқан арғымақ мінген салт атты нояндар үдере шеру тартып келеді.
Осынау тамаша фриз түгел сақталынбаған. Оның бір бөлігі ғимараттың сынған бөлігімен бірге қирап біткен. Ал, аман қалған азғантай бөлігі Лондондағы Британ музейі мен Париждегі Лувр музейінде сақтаулы.
Мүсінделген болсын, бояумен салынған болсын, қай-қай фриз де үйдің тұтас архитектурасының бөлінбес бір бөлігі болып есептеледі. Сондықтан да фриз монументтік өнерге жатады.
И.Теребенев. (1780-1815 жж.). Адмиралтейство үйінің фризі.
Тамаша сәулет ескерткіші Санкт-Петербургта Адмиралтейство үйі XIX ғасырда сәулетші А.Д.Захаровтың басшылығымен қайта салынып шықты. Оның орталық мұнарасы Рейсей флотының тарихын бейнелейтін фризбен безендірілген. Оның авторы - мүсінші И. И. Теребенев.
Каменева Е. Кемпірқосақтың түсі қандай? -Алматы: Өнер, 1981. -168 б.
Жарияланған-2016-11-17 13:50:30 Қаралды-2725
СУ ТАСҚЫНЫ ДЕГЕНІМІЗ НЕ?
Су тасқыны - дегеніміз құрғақ жердің едәуір бөлігін судың уақытша басуы. Пайда болу себептеріне байланысты су тасқынынын шартты түрде үш топқа бөлуге болады
ЛАТЫН ӘЛІПБИІ
Латын әліпбиі - әлемде кең таралған әліпби. Б.з.б. VII ғасырда Римде пайда болып. б.з. I ғасырында қалыптасқан. Жазу оңнан солға немесе солдан оңға қарай жазылып, бағыты әрдайым алмасып отырған. Б.з.б. IV ғасырдан бастап жазу тек солдан оңға қарай жазылат
ҚАНТ ЧУРЧХЕЛАСЫ
Қант сірне мен агарға қосылып, ылғалдылығы 20 процентке жеткенше қайнатылады да сілікпе массасы дайындалады. Оған жүгері крахмалы қосылады. Ром эссенциясы мен ванилин қосылып, хош иіс береді.
БАЛЫҚШЫ ТҰЙҒЫН
Балықшы тұйғын - қарағайлы орманның қарақшысы атанған батыл әрі жыртқыш құс. Ұясын биік кәрі ағаштың бұтақтарының діңге жақын жеріне салады. Сондықтан оны табу өте қиын. Ұясының ішіне жіңішке бұтақтарды төсейді.
АВИАЦИЯДА АЛҒАШҚЫ ҰШУ ТАРИХЫ
Атам заманнан бері адам көкке көтерілуді армандап келді. Сұңқардай қалықтап, қырандай самғаса, шіркін!