ЖАҢҒАҚ ТҮТІКШЕЛЕР (ТРУБОЧКИ)
Категориясы: Тағам
Жұмсарған сарымай жақсылап шайқалып, араластырыла отырып оған қаймақ, содан соң аз-аздан ұн (норманың 50 проценті) қосылады. Сөйтіп қамыр илейді. Иленген қамыр столға салынып, үстіне қалған ұн қосылады да тағы он минут бойы біркелкі масса алынғанша иленеді.
Осы процеспен бір мезгілде ішіне салынатын жаңғақ та дайындалады. Бұл тазартылған жаңғақ дәндері ет тартатын машинадан өткізіледі де, қант, ұнтақталған кардамон немесе дөм қабық, бал қосып, бәрі мұқият араластырылады.
Дайын болған қамыр 50 грамнан бөлінеді. Әр бөлік бір шеті жалпақ болатындай жолақ етіліп жайылады, бетіне май жағылады. Үстіне арасына салатын жаңғақтар мен басқа да тәттілер салынып, жалпақ шетінен бастап түтікше етіп оралады. Олар жұқа табаға салынады да жұмыртқаның сары уызы жағылып, ыстық духовкаға қойып пісіріледі, Дайын болған жаңғақ түтікшелерінің үстіне кант ұлпасын себуге болады.
Бұл тағамды дайындауға 500 грамм ұн, 200 грамм қаймақ, 150 грамм сарымай жұмсалады. Ішіне салу үшін 300 грамм жаңғақ, 200 грамм қант, 100 грамм бал, дәміне қарай дәм қабық (корица) немесе кардамон, екі жұмыртқаның сары уызы керек.
Жарияланған-2016-03-15 19:08:32 Қаралды-1915
АВИАЦИЯДА АЛҒАШҚЫ ҰШУ ТАРИХЫ
Атам заманнан бері адам көкке көтерілуді армандап келді. Сұңқардай қалықтап, қырандай самғаса, шіркін!
БЕСШАТЫР ЕСКЕРТКІШІ
Бесшатыр - көне қорымдар тобы, сақ дәуірінің аса ірі ескерткіштерінің бірі. Ол Жетісу өңіріндегі Желшағыр тауының бөктерінде орналасқан. Бесшатыр қорымының құрамында 31 оба бар. Бұл ескерткіш б.з.б. VI -V ғасырларға жатады.