ЭЙЕРКИХЕЛАХ

ЭЙЕРКИХЕЛАХ

Категориясы: Тағам


  Жариялаған   2016-03-15 16:24:36


Бөлке жасалатын қамырдан қиғаш төрт бұрышталып пісіріліп, жұмыртқаның сары уызы жағылған тағам осылай аталады.

Қамыр илеу процесі әдеттегідей. Дайын қамырдың ылғалдылығы 23-24 процент. Қалыңдығы 4-5 миллиметр етіліп жайылған қамырдың үстіне жұмыртқа жағылып, ені 40-45 миллиметрден келетіндей етіліп кесіледі де, артынан қиғаш төрт бұрыштап тағы кесіледі. Пісірместен бұрын қиғаш төрт бұрыш қамырға жұмыртқа жағылады. Пісіріп болған соң салқындатылған тағам астаушаларға салынып сауда орындарына жөнелтіледі.

Бір килограмм эйеркихелах жасауға 550,6 грамм жоғары сортты ұн, 220,3 грамм жұмыртқа, 220,3 грамм құм шекер, 220,3 грамм сарымай, 27,5 грамм жұмыртқаның сары уызы, 1,4 грамм тұз жұмсалады.

Эйеркихелахтың бір килограмында кемінде 70 данасы болады. Ылғалдылығы 11 процент, ең ұзақ сақталатын мерзімі - 12 күн.