БҰҚАР НАНЫ
Категориясы: Тағам
Бұл жаңғақ, жүзім, цукат қосып, тоқаш қамырынан жасалған тағам.
Қамыр дайындау үшін қажетті жаңғақтар ұнтақталады, цукаттар кесіледі немесе ет тартатын машина сияқты машинадан өткізіледі. Сарымай мен қант ұлпасы біркелкі масса болғанша араластырылып езіледі. Араластырылған массаға жұмыртқа, ұнтақталған жаңғақ, жүзім, цукат, сүт және көмір-қышқыл аммоний қосылады. Мұны да мұқият араластырғаннан кейін ұн салынып, тездетіп қамыр иленеді. Қамырдың илеп болғаннан кейінгі температурасы 18-20 градус, ылғалдылығы 23-25 процент болу керек.
Қамыр илеумен бір мезгілде помада да дайындалуға тиіс. Бұл үшін помада шайқайтын машина пайдаланылады: оған қант (құм шекер) пен сірне бір мезгілде салынады. Помаданы қолмен дайындаған жағдайда масса қайнататын қазанға әуелі қант салынып ерітіледі. Содан соң ол пешке (газға, электр плитасына) қойылып, қайнатылады. Қайнағаннан кейін бес минут өткен соң сірне қосып, қоспаны 115-120 градусқа жеткенше тағы да қайнату қажет. Қайнатылған масса 35-40 градусқа дейін салқындатылып, шайқайтын машинаға салынады немесе қолмен осы үшін арнайы қолданылатын қалақпен ұсақ кристалдар пайда болғанша шайқалады. Помаданың ылғалдылығы 10-12 процент болу керек.
Қамыр әр бөлігі 60 грамнан тартатындай етіліп бөлініп, диаметрі 60-65 миллиметрлік бөлкелер жасалады. Ол қағаз төселген қаңылтыр табақтарға салынады. Пісірер алдында бөлкелердің сыртына жұмыртқа жағылады да содан соң температурасы 200-230 градусқа жететін пешке қойылып, 20-25 минут бойы пісіріледі. Пісіп болған соң бөлкеге қант помадасы жағылып жылтыратылады.
Помадасы қатып болған соң бөлкелер астаушаларға салынып қойылады. Астаушаның биіктігіне қарай оларды 2 немесе үш қабат етіл салуға болады. Әр қабаттың арасына алдын-ала қағаз төселінеді.
Бір килограмм бұқар нанын жасау үшін 328,7 грамм жоғары сортты үн, 78,9 грамм сарымай, 170,9 грамм қант ұлпасы, 72,3 грамм жұмыртқа, 78,9 грамм жүзім, 49,3 грамм құрғақ цукат, 1,6 грамм аммоний, 82,2 грамм қаймағы алынбаған сүт, 39,4 грамм кептіріп ұнтақталған лещина жаңғағының дәні, сыртына жағатын 13,1 грамм жұмыртқа, 246,5 грамм құм шекер және 24,6 грамм помадаға қосатын сірне жұмсалады.
Дайын нанның формасы домалақ, помада жағып жылтыратылған, сындырған жерінің құрылымы біркелкі, ылғалдылығы 10-13 процент болу керек.
Ескерту: құрғақ күйіндегі 39,4 грамм лещина жаңғағы 47,3 грамм кептірілмеген жаңғаққа пара-пар.
Жарияланған-2016-03-10 14:02:46 Қаралды-2175
ЖАҢҒАҚ ҚОСЫП КЕПТІРІЛГЕН ШАБДАЛ
Шабдал тазаланып, үстіңгі жағынан дөңгелектеліп ойып алынады да қабығы мен сүйегі алып тасталады. Шабдал мен ойып алынған кесегі күннің көзіне немесе пешке қойып кептіріледі.
ҚҰРАЛАЙ СҰЛУ БЕЛГІСІ
Қазақ поэзиясының жұлдызы Иса Байзақовтың «Құралай сұлу» атты поэмасы бар. Бұл поэмада Құралай сұлудың қайғылы да қасіретті тағдыры суреттеледі.
Кейбір бақалардың шаштары бар
Шашты бақа — қосмекенді пискунья тұқымдасына жатады. Бұл түрінің аты қиқым терілердің («шаштардың» )бір-біріне тығыз орналасқандығынан пайда болған, олар аталығында көбею кезінде пайда болады. Бұл түрінің ерекшелігі бүйілердің сүйектерін сындыруға және о
ГРЕК ЖАҢҒАҒЫ ҚОСЫЛҒАН, БАЛ ЖАҒЫЛҒАН РУЛЕТ
Дайын қамыр мөлшері 20 х 25 сантиметрден келетіндей етіліп жайылады. Оның бір шеті екінші шетінен жұқалау болуы керек.
ЖАЙЫҚ ӨҢІРІ
Еліміздің солтүстік-батысындағы екі өзен аралығын алып жатқан аймақты қазақтар ежелден Еділ-Жайық өлкесі деп атап келген. Мұнда Жайық өзенінің орта ағысынан бастап Каспий теңізіне құяр сағасына дейінгі телімі ел аумағында ағады. Жайық өзенінің ел аумағынд
ДИУАНИ ХИКМЕТ
«Диуани Хикмет» («Ақыл кітабы») - Қожа Ахмет Иасауидің сопылықты (суфизм) жыр еткен әдеби шығармасы. Қожа Ахмет Иасауи қазақ даласында ислам дінінің нығаюына зор ықпал жасаған ғұлама, әулие адам болған. Шамамен 1093 жылы (кейбір деректерде 1041, 1103 жыл