ҚЫТАЙДАҒЫ «ТӨРТ СЕМЬЯ» - Гоминьдан билеп-төстеушілерінің («Чан Кай-ши, Сун Цзы-вэнь, Кун Сян-си, ағайынды Чәнь Ли-фу мен Чэнь Гофу) реакцияшыл тобы. Қытайдағы «төрт семья» феодалдық-компрадорлық, мемлекеттік-монополистік (бюрократтық деп те аталған) капитал мүддесін көкседі; олар қытай пролетарлары мен кедей шаруаларын және қаланың ұсақ буржуазиясын шексіз қанаудың, сондай-ақ ұлттық буржуазияны титығына жеткізіп, ығыстырудың арқасында өз қолдарына қисапсыз мол капитал жинады (капиталдың жалпы мөлшері 10-20 млрд. долларға жетті). Қытайдағы «төрт семья» елдегі барлық әкономикалық-әкімшілік басшылықтарға түгелдей ие болды. Американ монополистері Қытайды отаршылдық кіріптарлықта ұстау үшін, өздеріне тәуелді Қытайдың «төрт семьяны» ұдайы пайдаланып келді. Қытайдың «төрт семьясының» мемлекеттік-монополистік капиталын конфискелеу қытайдағы халықтық-демократиялық революцияның негізгі міндеттерінің біріне айналды, мұның өзі ҚХР-ның экономикасында социалистік укладты құруға жағдай туғызды.

Әдеб.: Чәнь Бо-да, Четыре семейства Китая, пер. с кит., М., 1948.